بەلگيادا ءىرى كومپانيا WhatsApp ارقىلى كۋرەرلەرىن جۇمىستان شىعارىپ جىبەردى
استانا. KAZINFORM - بەلگيانىڭ شىعىس فلەمال مۋنيتسيپاليتەتىندەگى Amazon-نىڭ قوسالقى مەردىگەرى KM Group كومپانياسىندا جۇمىس ىستەيتىن 100-گە جۋىق بەلگيالىق جۇرگىزۋشى WhatsApp ارقىلى ۇجىمدىق تۇردە جۇمىستان شىعارىلدى. كاسىپوداقتار جۇمىسسىزدىق بويىنشا جاردەماقى الۋ ءۇشىن قاجەتتى قۇجاتتاردى الماعانىن مالىمدەيدى، دەپ جازادى Euronews.
جۇرگىزۋشىلەر كومپانيانىڭ بانكروتقا ۇشىراپ، سول سەبەپتى شىلدە ايىندا جالاقىسىز قالعاندارى تۋرالى س م س-حابارلاما الدى. سونداي-اق ولار جۇمىسسىزدىق بويىنشا جاردەماقى الۋ ءۇشىن قاجەتتى بلانكىلەر الماعاندارىن ايتادى.
بىرلەسكەن مالىمدەمەدە بەلگيانىڭ جالپى ەڭبەك فەدەراتسياسى (FGTB) مەن حريستيان كاسىپوداقتار كونفەدەراتسياسى (ح ق ك و) جۇمىسشىلاردىڭ جۇمىستان بوساتىلۋ ءتاسىلىن جانە ولاردىڭ وزدەرىنە تاپ بولعان بەلگىسىز قارجىلىق جاعدايىن ايىپتادى.
- 31-شىلدەدە كومپانيانىڭ بانكروتقا ۇشىراعانى تۋرالى بىزگە WhatsApp ارقىلى س م س-حابارلاما كەلدى. ءبىراق ەشقانداي قىزمەتكەرلەر جينالىسى، الەۋمەتتىك ديالوگ بولعان جوق، تەك WhatsApp حابارلاماسى كەلدى، - دەدى UBT- FGTB كاسىپوداق ۇيىمىنىڭ جەرگىلىكتى فيليالىنىڭ حاتشىسى دانيەل ماراتتا.
كاسىپوداقتار ك م Group-تىڭ بانكروتقا ۇشىراۋى امەريكالىق ونلاين-بولشەك ساۋدا الىبى Amazon كەلىسىمشارت شارتتارىن قايتا قاراۋدان باس تارتقاننان كەيىن جاريالاندى دەپ مالىمدەيدى.
KM Group سوتتا بانكروتتىق ءراسىمىن دەرەۋ باستاۋى كەرەك بولسا دا، ماراتتا كومپانيانىڭ بالانسى ءالى رەسمي تۇردە جاريالانباعانىن ايتتى.
ونىڭ ايتۋىنشا، كاسىپوداق جۇمىستان بوساتىلعان جۇمىسشىلاردى شۇعىل كومەككە جۇگىنۋ ءۇشىن الەۋمەتتىك قامسىزداندىرۋ ورتالىقتارىنا جىبەرگەن، الايدا ورتالىقتان ولارعا كومەك بولاتىندىعى ءالى بەلگىسىز، ويتكەنى ولارعا قاجەتتى C4 فورماسى بەرىلمەگەن.
