بەلگيا حالىقارالىق سوتتىڭ يزرايل پرەمەرىن تۇتقىنداۋ شەشىمىن قولدادى
استانا. KAZINFORM - بەلگيا حالىقارالىق قىلمىستىق سوتتىڭ يزرايل پرەمەر-ءمينيسترى نەتانياحۋدى تۇتقىنداۋ وردەرىنىڭ ورىندالۋىن قولدادى. بۇل جايىندا بەلگيانىڭ ىنتىماقتاستىقتى دامىتۋ فەدەرالدى ءمينيسترى فرانك ۆاندەنبرۋك ءمالىم ەتتى، دەپ حابارلايدى Kazinform ءتىلشىسى.
ونىڭ ايتۋىنشا، بەلگيا ادامزات بالاسىنا قارسى جاساعان قىلمىستارى ءۇشىن ءيزرايلدىڭ پەرمەر-ءمينيسترى بينيامين نەتانياحۋعا قاتىستى حالىقارالىق قىلمىستىق سوت بەرگەن تۇتقىنعا الۋ وردەرىنىڭ ورىندالۋىن قولدايدى جانە قامتاماسىز ەتەدى.
ىنتىماقتاستىقتى دامىتۋ ءمينيسترىنىڭ مالىمدەمەسىندە يزرايلدىڭ بۇرىنعى قورعانىس ءمينيسترى يواۆا گاللانتا مەن حاماس كوشباسشىسى موحاممەد دەيفتى دە تۇتىنعان الۋ تۋرالى حالىقارالىق قىلمىستىق سوتتىڭ وردەرىنە قولداۋ بىلدىرەدى.
وسى ۋاقىتقا دەيڭن بەلگيا پرەمەر-ءمينيسترى الەكساندر دە كروو دا، سىرتقى ىستەر فەدەرالدى ءمينيسترى حادجا لاحبيب تە حالىقارالىق قىلمىستىق سوتتىڭ شەشىمىنە قاتىستى جاۋاپ بەرمەگەن ەدى. دەگەنمەن، مينيستر فرانك ۆاندەنبرۋك اتالعان شەشىمدى بەلگيانىڭ ورىنداۋى دۇرىس دەپ سانايدى.
«ءبىز قۇرباندار مەن حالىقارالىق سوت ادىلدىگىن قولدايمىز»، - دەدى ۇكىمەت مۇشەسى.
بۇعان دەيىن حالىقارالىق قىلمىستىق سوت نەتانياحۋ مەن گالانتتى قاماۋعا الۋعا وردەر بەرگەنىن جازعان ەدىك.
