كوروناۆيرۋس ۆاكسيناسىن العاندار Bluetooth سيگنالىن تاراتا الا ما؟
ياعني، ەكپە العاندار Bluetooth سيگنالىن تاراتىپ، قابىلداي الادى دەگەن بولجام ايتىلۋدا، دەپ حابارلايدى قازاقپارات.
stopfake.kz سايتىنىڭ جازۋىنشا، بۇل اقپارات - فەيك. بۇل تەوريا جەلىنىڭ اعىلشىن ءتىلدى سەگمەنتىندە شىققان. @al_janabi اتتى پايدالانۋشى ءوزىنىڭ TikTok-تەگى پاراقشاسىندا اينالاسىنداعى قۇرىلعىلاردىڭ بارلىعى ونىڭ Bluetooth سيگنالىنا قوسىلۋعا تىرىساتىنى تۋرالى ۆيدەو جاريالاعان.
ۆيدەو اۆتورىنىڭ ايتۋىنشا، بۇعان دەيىن ول Astra-Zeneca ۆاكسيناسىن سالدىرعان. ءتۇپنۇسقا ۆيدەو كەيىننەن ءوشىرىلدى، ءبىراق ول باسقا الەۋمەتتىك جەلىلەردە تاراتىلا باستادى.
«شىن مانىندە، ۆيدەودا سيپاتتالعان «جاناما اسەردىڭ» بولۋى مۇمكىن ەمەس. Bluetooth راديوجيىلىكتى قابىلداعىشى 2,4 گيگاگەرتستىڭ ورتالىق جيىلىگىمەن ليتسەنزيالانباعان ISM دياپازونىندا جۇمىس ىستەيدى.
ميكروتولقىندار مەن Wi-Fi دا وسىنداي دياپازوندا جۇمىس ىستەيدى. Bluetooth سيگنالدارىن قابىلداۋ ءۇشىن تولقىن ۇزىندىعىنا ەسەلى انتەننا قاجەت.
Bluetooth تەحنولوگياسى جاعدايىندا بۇل ءمان شامامەن 31 م م قۇرايدى. مۇنداي كولەمدەگى زات ۆاكسينا امپۋلالارىندا كورىنىپ تۇراتىن ەدى. ۆاكسيناسى بار قۇتىنىڭ ىشىندە بوگدە زاتتاردىڭ انىقتالعانى تۋرالى حابارلانعان جوق. ۆاكسينالار قۇرامىنا كىرەتىن ينگرەديەنتتەر تىزىمىندە انتەننالار تۋرالى ەشتەڭە ايتىلماعان. دەمەك، ۆاكسينانى سالدىرۋ ارقىلى Bluetooth سيگنالدارىن تاراتۋ جانە قابىلداۋ مۇمكىن ەمەس. يممۋنداۋعا ارنالعان پرەپاراتتاردا مۇنى ىستەي الاتىن قۇرىلعىلار جوق»، - دەپ قورىتىندى شىعارىلعان سايتتى.
stopfake.kz وسىعان ۇقساس فەيك-اقپاراتتى دا جوققا شىعارعان بولاتىن. ول كەزدە پايدالانۋشىلار وزدەرىنىڭ موبيلدى تەلەفوندارىنا شىعىپ تۇرعان MAC- كودتاردى ۆاكسيناتسيالانعان ادامداردىڭ جەكە كودى دەپ ويلاعان ەدى.
