ق ر پرەزيدەنتى بۇكىلقىتايلىق كوميتەتتىڭ توراعاسىمەن كەلىسسوز جۇرگىزدى

Президент
Фото: Фото: Ақорда

  مەملەكەت باسشىسى قىتايدىڭ حالىقتىق ساياسي كونسۋلتاتيۆتىك كەڭەسى بۇكىل قىتايلىق كوميتەتىنىڭ ءتوراعاسى ۆان حۋنينمەن كەلىسسوز جۇرگىزدى، دەپ حابارلايدى kazinform اقوردانىڭ باسپا ءسوز قىزمەتىنە سىلتەمە جاساپ.

قاسىم- جومارت توقايەۆ ۆان حۋنينگە ءىلتيپات بىلدىرە وتىرىپ، ونى قىتايدىڭ حالىقتىق ساياسي كونسۋلتاتيۆتىك كەڭەسى بۇكىلقىتايلىق كوميتەتىنىڭ ءتوراعاسى لاۋازىمىنا سايلانۋىمەن قۇتتىقتادى.

مەملەكەت باسشىسىنىڭ ايتۋىنشا، قازاق- قىتاي قاتىناستارى ماڭگىلىك ءارى جان- جاقتى ستراتەگيالىق سەرىكتەستىكتىڭ جوعارى دەڭگەيىنە جەتتى. بۇل رەتتە ەل باسشىلارىنىڭ تۇراقتى كەزدەسۋلەرى ەلەۋلى ءرول اتقاردى. ويتكەنى كەلىسسوزدەر بارىسىندا تاتۋ كورشىلىك قارىم- قاتىناس پەن ءوزارا ءتيىمدى ىنتىماقتاستىقتى ودان ءارى نىعايتۋ ءۇشىن نەگىز قالانادى.

قازاقستان پرەزيدەنتى قىتاي حالىق رەسپۋبليكاسىنىڭ الەۋمەتتىك- ەكونوميكالىق پروگرەسىنە جانە قىتاي باسشىسى جۇرگىزىپ وتىرعان ءتيىمدى ساياساتتىڭ ناتيجەلەرىنە جوعارى باعا بەردى.

- ءتوراعا شي جينپيڭنىڭ كورەگەن، سارابدال ساياساتىنىڭ جانە ونىڭ «ءبىر بەلدەۋ، ءبىر جول» تۇجىرىمداماسىنىڭ تابىستى جۇزەگە اسىپ جاتقانىنا كۋا بولىپ وتىرمىز. ءبىز، البەتتە، قىتايدىڭ جەتىستىكتەرىنە قۋانامىز. بۇگىن ءتوراعا شي جينپيڭ فورۋم قاتىسۋشىلارىنا «ەگەر قىتايدا ءبارى جاقسى بولسا، بارلىق مەملەكەت پەن حالىقتار ءۇشىن دە جايلى بولادى» دەگەن ءسوز ايتتى. مەن بۇل پىكىرمەن كەلىسەمىن. ءسىزدىڭ ەلىڭىز الەمدەگى وزىق ءارى جەتەكشى دەرجاۆاعا اينالۋدى كوزدەگەن اسقاق مۇراتىنا باتىل قادام باسىپ كەلەدى. ءتوراعا ءشيدىڭ دانا باسشىلىعىمەن ق ح ر قىتاي ەلىنىڭ جاڭا داۋىرلەۋ كەزەڭىندە جانە «ادامزاتتىڭ ورتاق تاعدىرى» كونتسەپتسياسىن ىلگەرىلەتۋ ىسىندە بۇدان دا كەرەمەت جەتىستىكتەرگە جەتەتىنىنە سەنىمدىمىن، - دەدى قاسىم- جومارت توقايەۆ.

ءوز كەزەگىندە ۆان حۋنين قازاق- قىتاي قاتىناستارىنا جوعارى باعا بەردى.

- ءسىزدىڭ باسشىلىعىڭىزبەن قازاقستاننىڭ قارقىندى دامىپ، تۇرمىس دەڭگەيى ۇدايى جوعارىلاپ كەلەدى. بۇل - تاڭعالارلىق ناتيجە. بۇگىن ءسىز «ءبىر بەلدەۋ، ءبىر جول» III فورۋمىنىڭ اشىلۋ راسىمىندە وتە مازمۇندى ءسوز سويلەپ، ىنتىماقتاستىققا قاتىستى ءبىرقاتار ماڭىزدى ۇسىنىس ايتتىڭىز. «ءبىر بەلدەۋ، ءبىر جول» اياسىنداعى ستراتەگيالىق سەرىكتەستىكتىڭ 10 جىلىندا بارلىق تاراپتىڭ ورتاق كۇش- جىگەرىنىڭ ارقاسىندا ءبىز زور جەتىستىكتەرگە قول جەتكىزدىك. ءسىز شي جينپيڭ مىرزامەن ۇدايى تىعىز بايلانىستا بولىپ، كوپتەگەن كەزدەسۋ وتكىزدىڭىز. سونىمەن قاتار سىزدەر قازاق- قىتاي قاتىناستارىنىڭ جاڭا «التىن 30 جىلدىعىن» باستاپ بەردىڭىزدەر. قىتاي تاراپى ەكى ەل باسشىلارى قول جەتكىزگەن ماڭىزدى ۋاعدالاستىقتاردى جۇزەگە اسىرۋ جولىنداعى ىنتىماقتاستىقتى بىرلەسە ىلگەرىلەتۋگە دايىن، - دەپ سەنىم ءبىلدىردى قىتايدىڭ حالىقتىق ساياسي كونسۋلتاتيۆتىك كەڭەسى بۇكىل قىتايلىق كوميتەتىنىڭ ءتوراعاسى.

سونداي- اق اڭگىمەلەسۋ بارىسىندا ەكى ەلدە جۇرگىزىلىپ جاتقان جان- جاقتى رەفورمالار جونىندە ايتىلدى. قاسىم- جومارت توقايەۆ پەن ۆان حۋنين بارلىق دەڭگەيدەگى بەلسەندى ساياسي ديالوگتى جالعاستىرۋ ماڭىزدى ەكەنىن اتاپ ءوتىپ، ەكىجاقتى قارىم- قاتىناستىڭ بۇكىل باعىتى بويىنشا ىنتىماقتاستىقتى نىعايتۋ پەرسپەكتيۆالارىن تالقىلادى.

سوڭعى جاڭالىقتار