بۇكىلالەمدىك بوكس ۇيىمى ءالىمحان ۇلىنا نەگە ەرەكشە ستاتۋس بەرمەدى

استانا. قازاقپارات - بۇكىلالەمدىك بوكس ۇيىمىنىڭ (WBO) پرەزيدەنتى گۋستاۆو وليۆەري نەگە ورتا سالماقتاعى جانىبەك ءالىمحان ۇلىنا (16-0، 11 ك و) ۇيىمنىڭ «سۋپەر چەمپيونى» مارتەبەسى بەرىلمەگەنىن ءتۇسىندىردى.

X جەلىسىن قولدانۋشىلاردىڭ ءبىرى ۇيىم باسشىسىنان نەگە ەكى بەلبەۋى بار (WBO ،IBF) ءالىمحان ۇلىنا «سۋپەر چەمپيون» اتاعى بەرىلمەگەنىن سۇرادى.

«ويتكەنى «سۋپەر چەمپيون» مارتەبەسى (تيتۋل ەمەس، قۇقىق پەن ارتىقشىلىق) بەلگىلى ءبىر كريتەريلەرگە ساي بولۋدى تالاپ ەتەدى. ءبىزدىڭ ەرەجە مەن تارتىپتەردىڭ 14-ءبولىمىن قاراڭىزدار»، - دەپ جازىپتى وليۆەري جاۋاپ رەتىندە.

ايتا كەتەيىك، WBO «سۋپەر چەمپيونى» مارتەبەسىن الۋدا باستى كريتەريدىڭ ءبىرى - تيتۋلدى مىقتى قارسىلاستارعا قارسى كەمى ون رەت قورعاۋ.