بەكتەنوۆ قازاقستاندا يپوتەكانىڭ باستاپقى جارناسىن تومەندەتۋدى تاپسىردى
استانا. KAZINFORM - پرەمەر-مينيستر ولجاس بەكتەنوۆ قازاقستاندا يپوتەكانىڭ باستاپقى جارناسىن تومەندەتۋ تۋرالى تاپسىرما بەردى. بۇل تۋرالى Stan.kz اقپارات اگەنتتىگى حابارلايدى.
ۇكىمەت وتىرىسىندا پرەمەر-مينيستر 2026 -جىلعا ارنالعان قۇرىلىس سالاسىنىڭ نەگىزگى مىندەتتەرىن بەلگىلەدى. باستى ماقساتتاردىڭ ءبىرى - جوسپارلانعان 20,4 ميلليون شارشى مەتر تۇرعىن ءۇيدى ناقتى پايدالانۋعا بەرۋ.
بەكتەنوۆتىڭ ايتۋىنشا، تۇرعىن ۇيلەر قاجەتتى ينفراقۇرىلىممەن جانە اباتتاندىرۋمەن قامتاماسىز ەتىلىپ، قونىستانۋعا تولىق دايىن بولۋى ءتيىس.
سونىمەن قاتار پرەمەر-مينيستر ازاماتتار ءۇشىن تۇرعىن ءۇي باعدارلامالارىنىڭ قولجەتىمدىلىگىن ارتتىرۋدى تاپسىردى.
«قارجى نارىعىن رەتتەۋ جانە دامىتۋ اگەنتتىگى ونەركاسىپ مينيسترلىگىمەن بىرلەسىپ، باستاپقى جارنا مولشەرىن تومەندەتۋ تەتىكتەرىن ەنگىزۋگە قاتىستى قوسىمشا ۇسىنىستار ازىرلەۋى قاجەت»، - دەلىنگەن ۇكىمەت حابارلاماسىندا.
ەسكە سالساق، بۇعان دەيىن وتباسى بانك يپوتەكانىڭ ەرەجەلەرىن جاڭارتىپ، ءۇي الۋدى جەڭىلدەتكەنى تۋرالى جازعان ەدىك.
