بەكتەنوۆ حالىقارالىق ۇيىمدار باسشىلىعىمەن سپورتتى دامىتۋ ماسەلەلەرىن تالقىلادى
استانا. KAZINFORM — ق ر پرەمەر-ءمينيسترى ولجاس بەكتەنوۆ حالىقارالىق سپورت ۇيىمدارىنىڭ باسشىلارىمەن كەزدەسۋ وتكىزدى، دەپ حابارلايدى ۇكىمەتتىڭ باسپا ءسوز قىزمەتى.
كەزدەسۋگە ۇلتتىق وليمپيادا كوميتەتتەرى قاۋىمداستىعىنىڭ جانە قاتار وليمپيادا كوميتەتىنىڭ ۆيتسە- پرەزيدەنتى شەيح دجوان بين حاماد بين حاليفا ءال-تاني، ازيا جانە World Aquatics وليمپيادا كەڭەسىنىڭ باس ديرەكتورى حۋسەين ءال-مۋساللام، قاتار ۇلتتىق وليمپيادا كوميتەتىنىڭ ۆيتسە- پرەزيدەنتى تاني ابدۋلراحمان ءال- كاۋۋاري قاتىستى.
حالىقارالىق سپورتتىق ىنتىماقتاستىقتى دامىتۋ، وليمپيادالىق قوزعالىستى قولداۋ جانە كاسىبي ءارى بۇقارالىق سپورتتى دامىتۋ ءۇشىن جاعداي جاساۋ ماسەلەلەرى تالقىلاندى.
قازاقستاننىڭ حالىقارالىق سپورت ۇيىمدارىمەن سپورتشىلاردى دايارلاۋ جانە بىرلەسكەن وقۋ-جاتتىعۋ جيىندارىن وتكىزۋ، سپورتتىق ينفراقۇرىلىمدى جاڭعىرتۋ، سۋ سپورت تۇرلەرىن دامىتۋداعى ءوزارا ءىس-قيمىلدى كەڭەيتۋ بولىگىندە ىنتىماقتاستىعىنىڭ پەرسپەكتيۆالارى قارالدى.
سپورتتىق كووپەراتسيا بۇقارالىق سپورتتى ناسيحاتتاۋدا ماڭىزدى ءرول اتقاراتىنى اتاپ ءوتىلدى.
وسىدان بۇرىن ق ر پرەمەر-ءمينيسترى ولجاس بەكتەنوۆ مەملەكەت پەن بانك سەكتورىنىڭ ءوزارا ءىس-قيمىلىن جوعارى باعالادى.
