بەكتانوۆ، تولەشوۆ، ەرتايەۆ، ەرمەگيايەۆ جانە تۇركىستاننىڭ بۇرىنعى اكىمى قايدا

استانا. KAZINFORM - قىلمىستىق- اتقارۋ جۇيەسى كوميتەتى تۇزەۋ مەكەمەلەرىندە جازاسىن وتەپ جاتقان ءبىرقاتار شەنەۋنىك پەن بيزنەسمەننىڭ شارتتى تۇردە مەرزىمىنەن بۇرىن بوستاندىققا شىعۋ مۇمكىندىگىنە قاتىستى مالىمەتپەن ءبولىستى.

Kazinform اگەنتتىگىنىڭ رەسمي ساۋالىنا قاجك بەرگەن جاۋاپقا قاراعاندا، 1981 -جىلى دۇنيەگە كەلگەن كەنتاۋ قالاسىنىڭ بۇرىنعى اكىمى ايۋپوۆ راشيد ابات ۇلى جامبىل وبلىسى بويىنشا قاج دەپارتامەنتىنىڭ №25 قاۋىپسىزدىگى ورتاشا مەكەمەسىندە وتىر. ول 2028 -جىلدىڭ 10-جەلتوقسانىنان باستاپ قانا رەسمي تۇردە مەرزىمىنەن بۇرىن بوستاندىققا شىعا الادى.

ر. ايۋپوۆ 10 جىلعا سوتتالعان ەدى.

ەسكە سالساق، ر. ايۋپوۆ 2022 -جىلى ناۋرىزدا تۇركىستان وبلىسى كەنتاۋ قالاسىنىڭ اكىمى بولىپ تاعايىندالعان ەدى. ال، 2019 -جىلدىڭ شىلدە ايىنان 2021 -جىلعا دەيىن تۇركىستان قالاسىنىڭ اكىمى قىزمەتىن اتقاردى. كەنتاۋ قالاسىنىڭ اكىمى بولعانعا دەيىن تۇركىستان وبلىسى اكىمىنىڭ ورىنباسارى بولدى. وعان ءىرى كولەمدە پارا بەرۋگە يتەرمەلەۋ جانە الاياقتىق جاساۋ ايىبى تاعىلدى.

بۇرىنعى بانكير ەرتايەۆ جومارت جادىگەر ۇلى بۇگىندە الماتى قالاسى، الماتى جانە جەتىسۋ وبلىستارى بويىنشا قاج دەپارتامەنتى №72 مەكەمەسىندە جازاسىن وتەپ جاتىر. ول بۇل مەكەمەگە تەرگەۋ بارىسىندا جەتكىزىلگەن. ج. ەرتايەۆ 2020 -جىلدىڭ 20 -ماۋسىمىندا جازاسىن ءبىرشاما جەڭىلدەتۋگە، ال 2022 -جىلدىڭ 5-قاڭتارىندا شارتتى تۇردە بوساپ شىعۋعا ءوتىنىش بەرۋگە مۇمكىندىگى بولدى. الايدا، ءبىر قىزىعى قاجك مالىمەتىنە قاراعاندا سوتتالۋشى وسى ۋاقىتقا دەيىن اتالعان ەكى مۇمكىندىگىن دە پايدالانباعان.

ايتا كەتەيىك، 2019 -جىلدىڭ ناۋرىزىندا قازاقستان باس پروكۋراتۋراسىنىڭ قىزمەتكەرلەرى قىلمىستىق جاۋاپقا تارتۋ ءۇشىن رەسەي فەدەراتسياسىنان جومارت ەرتايەۆتى ەكستراديتسيالاعان بولاتىن. وعان 2018 -جىلدىڭ ناۋرىز ايىندا حالىقارالىق ىزدەۋ جاريالانعان. ول 2011-2017 -جىلدار ارالىعىندا قىزمەتتىك جاعدايىن پايدالانا وتىرىپ، باسقا تۇلعالارمەن الدىن الا كەلىسۋ ارقىلى «BANK RBK» ا ق- نىڭ 144 ميلليارد تەڭگەسىن جىمقىردى دەگەن كۇدىككە ىلىنگەن.

باستاپقىدا ەرتايەۆقا 11 جىلدىق جازا كەسكەن سوت ونىڭ كىناسىن مويىنداعانىن، قىلمىستىق ءىستى تەرگەۋگە كومەكتەسكەنىن، زالالدى ءىشىنارا وتەگەنىن، سونداي- اق كامەلەتكە تولماعان بالالارى بارىن ەسكەرە كەلە تۇرمەدە وتىرۋ مەرزىمىن 9 جىلعا تومەندەتكەن ەدى.

«سىرا كورولى» رەتىندە ەلىمىزگە تانىلعان بيزنەسمەن تولەشوۆ توقتار ءجۇسىپ ۇلى شىعىس قازاقستان وبلىسى بويىنشا ق ا ج دەپارتامەنتىنىڭ №17 قاۋىپسىزدىگى ورتاشا مەكەمەسىندە وتىر. ونىڭ شارتتى تۇردە مەرزىمىنەن بوستاندىققا شىعۋ مۇمكىندىگى 2029 -جىلدىڭ 6-ساۋىرىندە تۋىندايدى.

تولەشوۆ قىلمىستىق كودەكستىڭ 245-بابى، 3-بولىگى «ۇيىمدارعا سالىناتىن سالىقتى جانە (نەمەسە) بيۋدجەتكە تولەنەتىن باسقا دا مىندەتتى تولەمدەردى تولەۋدەن جالتارۋ»، 251-بابى «جەكەشە نوتاريۋستاردىڭ، باعالاۋشىلاردىڭ، جەكە سوت ورىنداۋشىلارىنىڭ، مەدياتورلاردىڭ جانە اۋديتورلىق ۇيىم قۇرامىندا جۇمىس ىستەيتىن اۋديتورلاردىڭ وكىلەتتىكتەردى تەرىس پايدالانۋى» بويىنشا، 28-بابى «قىلمىستىق قۇقىق بۇزۋشىلىققا سىبايلاس قاتىسۋشىلاردىڭ تۇرلەرى» بويىنشا ايىپتى دەپ تانىلدى. وعان 21 جىل باس بوستاندىعىنان ايىرۋ جازاسى كەسىلدى.

«استانا ەكسپو-2017» ۇ ك» ا ق- تىڭ بۇرىنعى ءتوراعاسى ەرمەگيايەۆ تالعات امانگەلدى ۇلى الماتى قالاسى، الماتى جانە جەتىسۋ وبلىستارى بويىنشا ق ا ج دەپارتامەنتى قاۋىپسىزدىگى ورتاشا №75 مەكەمەسىندە جازاسىن وتەپ جاتىر. ول 2025 -جىلدىڭ 11-ناۋرىزىندا شارتتى تۇردە مەرزىمىنەن بۇرىن بوستاندىققا شىعۋعا ءوتىنىش بەرە الادى.

2016 -جىلدىڭ ماۋسىمىندا ول 14 جىلعا سوتتالىپ، مۇلكى تاركىلەندى. ەرمەگيايەۆ «استانا ەكسپو-2017» ۇلتتىق كومپانياسىنىڭ بۇرىنعى باسشىسى ق ر ق ك- ءنىڭ 176-بابىنىڭ 4-بولىگىندەگى «ب» تارماقشاسىمەن قاراستىرىلعان اۋىر قىلمىستاردى بىرنەشە رەت قاساقانا جاسادى دەگەن كۇدىككە ىلىككەن. ايىپتاۋشىنىڭ اقپاراتى بويىنشا، جىمقىرىلعان قاراجات كولەمى 10,2 ميلليارد تەڭگەنى قۇرايدى. ونىمەن بىرگە 22 ادام سوت الدىندا جاۋاپ بەردى. سوت بارىسىندا 12 ايىپتالۋشى تەرگەۋمەن كەلىسىمگە كەلگەن. 14 ايىپتالۋشى ءوز كىنالارىن موينىنا الدى.

بۇرىنعى قورعانىس ءمينيسترى بەكتانوۆ مۇرات كارىباي ۇلى اباي وبلىسى بويىنشا ق ا ج دەپارتامەنتىنىڭ قاۋىپسىزدىگى ارالاس №19 مەكەمەسىندە وتىر. ول 2029 -جىلدىڭ 24-شىلدەسىنەن باستاپ شارتتى تۇردە مەرزىمىنەن بۇرىن بوستاندىققا شىعۋعا ءوتىنىش بەرە الادى.

م. بەكتانوۆ قازاقستان رەسپۋبليكاسى قىلمىستىق كودەكسىنىڭ 451-بابىنىڭ 3-بولىگى بويىنشا قىلمىستىق ىستەر جونىندەگى مامانداندىرىلعان اۋدانارالىق اسكەري سوتىنىڭ 2023 -جىلدىڭ 24-اقپانىنداعى ۇكىمىمەن سوتتالدى. وعان ەڭ جوعارى قاۋىپسىزدىك قىلمىستىق- اتقارۋ جۇيەسى مەكەمەسىندە جازاسىن وتەي وتىرىپ، 12 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى. ول 2022 -جىلدىڭ قاڭتارىنداعى وقيعالاردان كەيىن قىلمىستىق كودەكسىنىڭ 452-بابى ارەكەتسىزدىك فاكتىسى بويىنشا قاماۋعا الىنعان ەدى.

اۆتور

مارلان جيەمباي