ەڭبەك نارىعى: جۇمىسپەن قامتىلعانداردىڭ ەڭ كوپ ۇلەسى قاي سالادا

استانا. KAZINFORM - جۇمىسپەن قامتىلعانداردىڭ ەڭ كوپ ۇلەسى ساۋدا (%17)، ءبىلىم بەرۋ (%13,4)، ونەركاسىپ (%12,5) جانە اۋىل شارۋاشىلىعى (%10,3) سالالارىندا بايقالدى.

- 2025 -جىلدىڭ 1- توقسانىندا رەسپۋبليكا ەكونوميكاسىنىڭ ءتۇرلى سالالارىندا 9283,5 مىڭ ادام جۇمىسپەن قامتىلدى، ونىڭ ىشىندە 7141 مىڭى (ەكونوميكادا جۇمىسپەن قامتىلعانداردىڭ جالپى سانىنىڭ %76,9) جالدامالى قىزمەتكەر بولسا، ءوز بەتىنشە جۇمىسپەن قامتىلعاندار - 2142,5 مىڭ ادام (ەكونوميكادا جۇمىسپەن قامتىلعانداردىڭ جالپى سانىنىڭ %23,1)، - دەلىنگەن ۇلتتىق ستاتيستيكا بيۋروسى حابارلاماسىندا.

2024 -جىلعى 1- توقسانمەن سالىستىرعاندا جالپى جۇمىسپەن قامتىلعاندار 116,2 مىڭ ادامعا ءوستى، نەگىزىنەن جالدامالى قىزمەتكەرلەر ەسەبىنەن.

جۇمىسپەن قامتىلعانداردىڭ ەڭ كوپ ۇلەسى ساۋدا (%17)، ءبىلىم بەرۋ (%13,4)، ونەركاسىپ (%12,5) جانە اۋىل شارۋاشىلىعى (%10,3) سالالارىندا بايقالدى.

- جاس قۇرامى بويىنشا جۇمىسپەن قامتىلعان حالىقتىڭ نەگىزگى ۇلەسى 35-44 جاس ارالىعىندا، بۇل جۇمىسپەن قامتىلعانداردىڭ جالپى سانىنىڭ %28. جۇمىسپەن قامتىلعانداردىڭ تاعى 40 پايىزى 29-34 جانە 45-54 جاس ساناتتارىنداعى جۇمىسشىلار، - دەلىنگەن حابارلامادا.

وڭىرلەر بولىنىسىندە جالدامالى قىزمەتكەرلەر سانى الماتى قالاسىندا ەڭ كوپ - 985,8 مىڭ ادام، ءوز بەتىنشە جۇمىسپەن قامتىلعان قىزمەتكەرلەر بويىنشا - تۇركىستان جانە الماتى وبلىستارى، تيىسىنشە 378,2 مىڭ جانە 233,7 مىڭ ادامنان.

ايتا كەتەلىك قازاقستان جۇمىسشى كادرلاردى دايارلاۋدا الەمدىك دەڭگەيگە شىقتى.