ەڭبەك مينيسترلىگى بالالارعا ءبىرىڭعاي جاردەماقى ەنگىزۋ تۋرالى اقپاراتتى جوققا شىعاردى

 استانا. KAZINFORM - مەسسەندجەرلەر مەن الەۋمەتتىك جەلىلەردە تارالىپ جاتقان ق ر ەڭبەك جانە حالىقتى الەۋمەتتىك قورعاۋ مينيسترلىگى بالالارعا ارنالعان ءبىرىڭعاي جاردەماقى ەنگىزەتىنى تۋرالى اقپارات شىندىققا جاناسپايدى.

بۇل تۋرالى مينيسترلىكتىڭ باسپا ءسوز قىزمەتى حابارلادى.

«مەسسەندجەرلەر مەن الەۋمەتتىك جەلىلەردە داۋىستىق حابارلامالار مەن بەينەروليكتەر ارقىلى بالالى وتباسىلارداعى ءاربىر بالاعا 2024 -جىلعى شىلدەدەن باستاپ 70 مىڭ تەڭگە مولشەرىندە ءبىرىڭعاي جاردەماقى ەنگىزىلەتىنى تۋرالى جالعان اقپارات تاراتىلىپ جاتىر. بۇل اقپارات جالعان. مەملەكەتتىك قولداۋدىڭ ءتيىستى شارالارى تۋرالى رەسمي اقپارات تەك قانا 1414 نومىرىنەن حابارلامالار ارقىلى تاراتىلادى. ازاماتتاردان تەك رەسمي كوزدەردەگى اقپاراتتى پايدالانۋىن سۇرايمىز»،- دەلىنگەن حابارلامادا.

سونىمەن قاتار مينيسترلىك جالعان اقپارات تاراتۋ زاڭمەن جازالاناتىنىن ەسكە سالدى.