ەڭبەك ءمينيسترى ءوزىنىڭ قاي ساناتقا جاتاتىنىن اشىق كورسەتتى

ەڭبەك ءمينيسترى بۇگىن «ءال-اۋقاتتى باعالاۋ كالكۋلياتورىن» تانىستىردى. جاقىن ارادا بۇل قۇرال كوپشىلىككە قولجەتىمدى بولادى. ونىڭ كومەگىمەن ءاربىر ازامات باعالاۋ ادىستەمەسىنە سايكەس ءوزىنىڭ ءال-اۋقات دەڭگەيىن باعالاي الادى.

مينيستر جاڭا ادىستەمەنىڭ قالاي جۇمىس ىستەيتىنىن كورسەتۋ ءۇشىن ءوز وتباسىنىڭ تابىسى مەن مۇلكى تۋرالى مالىمەتتەردى جاريا ەتتى.

اسقاربەك ەرتايەۆ 49 جاستا، اي سايىنعى جالاقىسى - 1,2 ميلليون تەڭگە. جۇبايى جۇمىس ىستەمەيدى، ونىڭ جاسى 44 تە. وتباسىندا ءتورت بالا بار.

ءمينيستردىڭ ۇلكەن ۇلى 29 جاستا جانە ايىنا 600 مىڭ تەڭگە تابادى. ورتانشى ۇلى 23 جاستا، ونىڭ ايلىق تابىسى - 400 مىڭ تەڭگە. سونداي-اق ءمينيستردىڭ 13 جاستاعى قىزى مەن ءتورت جاستاعى كەنجە ۇلى بار.

وتباسىنىڭ استانادا 100 جانە 60 شارشى مەترلىك ەكى پاتەرى بار. بۇدان بولەك، 2013 -جىلعى Toyota Camry 50 اۆتوكولىگى تىركەلگەن. ءمينيستردىڭ مالىمەتىنشە، وتباسىنىڭ بيزنەسى دە، جەر ۋچاسكەلەرى دە جوق.

وسى دەرەكتەردى ونلاين-كالكۋلياتورعا ەنگىزگەندە، ءمينيستردىڭ وتباسى B ساناتىنا جاتقىزىلدى.

ايتا كەتەيىك، B ساناتى - ەكونوميكالىق تۇرعىدان تۇراقتى، جەتكىلىكتى دەڭگەيدەگى وتباسىلار. بۇل كاتەگورياعا 14 ءتۇرلى جاردەماقى بەرۋ توقتاتىلادى.

ەسكە سالا كەتسەك، ەندى ەر ادام دەكرەتكە شىقسا دا، جاردەماقى ايەلگە بەرىلەدى.

بالاسى 1,5 جاسقا تولماي جۇمىسقا شىققان انالاردىڭ جاردەماقىسى ساقتالادى.