ەڭبەك ءمينيسترى: الەۋمەتتىك تولەمدى ناقتىلاۋ - بيۋجەتتى ۇنەمدەۋ ەمەس

بۇل پىكىردى ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرتايەۆ ايتتى.

ءمينيستردىڭ ايتۋىنشا، جاڭا ادىستەمە الەۋمەتتىك قولداۋدى شىن مانىندە مۇقتاج ادامدارعا باعىتتاۋعا جانە ولارعا قاجەتتى كومەكتى تولىق كولەمدە، ۋاقىتىلى كورسەتۋگە مۇمكىندىك بەرەدى.

- مۇنىڭ بيۋجەتكە ەش قاتىسى جوق. بۇل - الەۋمەتتىك كودەكس اياسىندا مۇقتاج ازاماتتارعا كورسەتىلەتىن كومەكتىڭ اتاۋلىلىعىن كۇشەيتۋگە باعىتتالعان جۇمىس. ءاربىر مۇقتاج ازاماتقا مەملەكەتتىك قولداۋ كورسەتىپ، دەر كەزىندە تولىققاندى كومەك بەرۋدى كوزدەپ وتىرمىز. بۇل ءۇشىن بيۋجەت قاراجاتى جەتكىلىكتى، - دەدى اسقاربەك ەرتايەۆ.

ونىڭ سوزىنشە، الەۋمەتتىك تولەم الۋشىلاردىڭ ءال-اۋقاتىن باعالاۋ حالىقارالىق ساراپشىلاردىڭ ۇسىنىستارى نەگىزىندە ازىرلەنگەن. ەڭبەك مينيسترلىگى 2023-جىلعا دەيىن ب ۇ ۇ دامۋ باعدارلاماسىنىڭ (ب ۇ ۇ د ب) وكىلدەرىمەن بىرلەسىپ جۇمىس ىستەگەن.

- قازىر ا ساناتىندا 77 مىڭ ادام، ۆ ساناتىندا 475 مىڭ ادام بارلىعىمەن بىردەي الەۋمەتتىك جاردەماقى الىپ وتىر. جالپى 3,2 ميلليون ادام الەۋمەتتىك تولەم السا، سولاردىڭ 550 مىڭى ا جانە ۆ ساناتتارىنا جاتقىزىلعان. قالعان 2,7 ميلليونعا جۋىق ادام س، د جانە ە ساناتتارىنا كىرەدى. الداعى ۋاقىتتا وسى ساناتتارداعى ازاماتتارعا الەۋمەتتىك قولداۋدى كۇشەيتۋ جولدارىن قاراستىرامىز، - دەدى اسقاربەك ەرتايەۆ.

ەسكە سالا كەتسەك، ەندى ەر ادام دەكرەتكە شىقسا دا، جاردەماقى ايەلگە بەرىلەدى.

بالاسى 1,5 جاسقا تولماي جۇمىسقا شىققان انالاردىڭ جاردەماقىسى ساقتالادى.

بۇل رەتتە جالپى 36 جاردەماقىنىڭ 22 ءسى وزگەرىسسىز قالادى.