Binance كريپتوۆاليۋتا بيرجاسى رەسەيدەن كەتەدى
Binance كريپتوۆاليۋتا بيرجاسى رەسەيدەن كەتەدى، ال ونى CommEX كومپانياسى ساتىپ الادى. قازاقپارات بۇل تۋرالى ت ا س س اگەنتتىگىنە سىلتەمە جاساپ حابارلايدى.

«قازىرگى قولدانۋشىلاردى جوسپارلى تۇردە بىرتىندەپ باسقا پلاتفورماعا اۋىستىرۋعا ءبىر جىلداي ۋاقىت كەرەك. رەسەي قولدانۋشىلارىنىڭ اكتيۆتەرى قاۋىپسىز ساقتالعان ءارى قورعالعان»، - دەلىنگەن حابارلامادا.
كومپانيانىڭ ايتۋىنشا، Binance پەن CommEX بىرتىندەپ جانە ۇيىمداسقان پايدالانۋشىلار ميگراتسياسى اياسىندا ولاردىڭ اكتيۆتەرىن جاڭا پلاتفورماعا اۋىستىرادى. دەرەكتەرى تەكسەرىستەن وتكەن جاڭا قولدانۋشىلاردى ءىشىنارا CommEX پلاتفورماسىنا جىبەرىپ وتىرادى.
سودان كەيىنگى ايلاردا Binance بيرجا قىزمەتتەرى مەن رەسەيدەگى باسقا دا باعىتتارىن جابادى جانە قولدانۋشىلاردى جاڭا پلاتفورماعا اۋىستىرۋ كەزىندە ۇنەمى ءوزارا ارەكەتتەسىپ تۇرۋ ءۇشىن بار كۇشىن سالادى.
«كەلىسىمنىڭ قارجى دەرەكتەرى قۇپيا بولعانىنا قاراماستان، وسى كەلىسىم اياسىندا Binance رەسەيدەگى قىزمەتىن تولىقتاي توقتاتادى»، - دەپ اتاپ ءوتتى كومپانيا وكىلدەرى.
ولار كەلىسىم اياسىندا "Binance-تا بيزنەستەگى ۇلەسىن قايتا ساتىپ الۋ جانە ساتقاننان كەيىن تابىستىڭ ءبىر بولىگىن الۋ مۇمكىندىگى بولمايدى" دەپ تولىقتىردى.