Bek Air ۇشاق اپاتى: تەرگەۋ امالدارى جاقىن ارادا اياقتالادى
ىشكى ىستەر ءمينيسترى ەرجان سادەنوۆ Bek Air ۇشاق اپاتىنا قاتىستى ءىس بويىنشا تۇسىنىك بەردى، دەپ حابارلايدى Kazinform.
بۇگىن ماجىلىستە وتكەن ۇكىمەت ساعاتىنان كەيىن تىلشىلەر مينيستردەن Bek Air اۋە اپاتىنا قاتىستى ءىستىڭ قارالۋ مەرزىمى 2027-جىلى اياقتالاتىنىن جانە وسى ۋاقىتقا دەيىن كىنالىلەردى جازاعا تارتۋ مۇمكىندىگى جايىندا سۇرادى.
«قازىر قىلمىستىق ءىس بويىنشا تەرگەۋ اياقتالۋعا جاقىندادى. جاقىن ارادا ونى اياقتاپ، تاپسىرامىز. اتاپ ايتقاندا، حالىقارالىق باعىتتا ءبىرقاتار تەحنيكالىق ساراپتاما قامتىلعان ەدى»، - دەدى ە. سادەنوۆ.
مينيستر تەرگەۋ امالدارى اياقتالاتىنىن جانە كىنالىلەر ءتيىستى جازاسىن الاتىنىن ناقتىلادى.
ەستەرىڭىزگە سالا كەتەيىك، 2019-جىلدىڭ 27-جەلتوقسانىڭدا Bek Air اۋە كومپانياسىنىڭ ۇشاعى اپاتقا ۇشىرادى.
«الماتى-استانا» باعىتىنداعى ۇشاق بيىكتىكتى ساقتاي الماي، بەتون قورشاۋىن بۇزىپ وتكەن. ارتىنشا ەكى قاباتتى تۇرعىن ۇيگە سوعىلدى، 12 ادام مەرت بولدى، 69 ادام زارداپ شەكتى. ونىڭ 51 ءى اۋرۋحاناعا ءتۇستى.
