بازالىق مولشەرلەمە ءالى دە كوتەرىلۋى مۇمكىن - ۇلتتىق بانك
استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ بازالىق مولشەرلەمە ءالى دە كوتەرىلۋى مۇمكىن ەكەنىن ايتادى.
ينفلياتسيا بولجامى ءوسىپ تۇرعانىن ايتتىڭىز. سونى ەسكەرسەك، بازالىق مولشەرلەمە تاعى دا كوتەرىلۋى مۇمكىن بە، - دەپ سۇرادى ب ا ق وكىلى.
تيمۋر سۇلەيمەنوۆ بۇل ابدەن مۇمكىن ەكەنىن ايتتى.
- مۇمكىن. وكىنىشكە قاراي، بازالىق مولشەرلەمەگە ينفلياتسياعا بايلانىستى. سوندىقتان ينفلياتسيا وسكەن سايىن بىزگە دە بازالىق مولشەرلەمەنى كوتەرۋگە تۋرا كەلەدى. ونى ءتۇسىنۋ كەرەك. سوندىقتان بۇگىن ءبىز قابىلداعان شەشىم سونداي تەندەنتسيانىڭ الدىن الۋ مۇمكىندىگىن ارتتىرادى. كەلەشەكتە بازالىق مولشەرلەمەنى كۇرت وسىرمەۋ ءۇشىن قازىر كوتەرۋ كەرەك دەپ شەشتىك، - دەدى ول.
بۇگىن ۇلتتىق بانك بازالىق مولشەرلەمەنى كوتەرگەن بولاتىن.
ايتا كەتەلىك ۇلتتىق بانك ءتوراعاسى تيمۋر سۇلەيمەنوۆ ۇكىمەتتىڭ قوسىلعان قۇن سالىعىن كوتەرۋ باستاماسىن قولدايتىنىن ايتقان ەدى.
