بايدەن يزرايل مەن حاماس كەلىسىمگە كەلگەنىن مالىمدەدى

استانا. KAZINFORM - پرەزيدەنت دجو بايدەن يزرايل مەن حاماس اتىستى توقتاتۋ جانە كەپىلگە الىنعانداردى بوساتۋ تۋرالى كەلىسىمگە كەلگەنىن مالىمدەدى.

Байден
Фото: President Biden / X

- بۇگىن ا ق ش- تىڭ، سونداي- اق مىسىر مەن قاتاردىڭ بىرنەشە ايعا سوزىلعان قارقىندى ديپلوماتياسىنان كەيىن يزرايل مەن حاماس اتىستى توقتاتۋ جانە كەپىلگە الىنعانداردى بوساتۋ تۋرالى كەلىسىمگە كەلدى. بۇل كەلىسىم گازاداعى شايقاستاردى توقتاتۋعا، پالەستينالىق بەيبىت تۇرعىندارعا وتە قاجەت گۋمانيتارلىق كومەكتى ارتتىرۋعا جانە 15 ايدان استام تۇتقىندا بولعاننان كەيىن كەپىلگە الىنعانداردى وتباسىلارىمەن قايتا بىرىكتىرۋگە مۇمكىندىك بەرەدى، - دەدى بايدەن اق ءۇيدىڭ جازباشا مالىمدەمەسىندە.

ا قش  پرەزيدەنتىنىڭ اتاپ وتۋىنشە، بۇل جوسپار 2024 -جىلدىڭ 31 - مامىرىندا بەلگىلەگەن جانە ونى بۇۇ قاۋىپسىزدىك كەڭەسى ءبىراۋىزدان ماقۇلداعان. بۇل حاماس- قا جاسالعان وراسان زور قىسىمنىڭ عانا ەمەس، سونىمەن بىرگە امەريكالىق ديپلوماتيانىڭ تاباندى جانە قاجىرلى ارەكەتىنىڭ ناتيجەسى.

- مەنىڭ ديپلوماتيام وسى ماقساتقا جەتۋ جولىنداعى كۇش- جىگەرىن ەشقاشان توقتاتقان ەمەس، - دەدى بايدەن.

دجو بايدەن «سوعىستى توقتاتىپ، بەيبىتشىلىك پەن قاۋىپسىزدىكتى قۇرۋ ءۇشىن جۇمىستى باستاۋ ۋاقىتى الدەقاشان بولعانىن» مالىمدەدى. ا ق ش پرەزيدەنتى كەلىسىم تۋرالى تولىعىراق مالىمەتتى كەيىنىرەك بەرۋگە ۋادە بەرىپ، قازىرگى كەزدە «كەپىلگە الىنعانداردىڭ وتباسىمەن قايتا قاۋىشىپ وتىرعانىنا وتە قۋانىشتى» ەكەنىن ايتتى.

بۇعان دەيىن يزرايل مەن حاماس گازا سەكتورىندا 2023 -جىلدىڭ قازان ايىنان بەرى جالعاسىپ كەلە جاتقان سوعىستى توقتاتۋعا كەلىسكەنىن جازعان بولاتىنبىز.

سوڭعى جاڭالىقتار