بايدەن وتباسى مۇشەلەرىنە راقىمشىلىق جاسادى
استانا. KAZINFORM - بايدەننىڭ تۋىستارىنا راقىمشىلىق جاساعانى دونالد ترامپتىڭ ا ق ش- تىڭ 47-پرەزيدەنتى رەتىندە انت بەرۋىنە بىرنەشە مينۋت قالعاندا بەلگىلى بولدى، دەپ حابارلايدى Kazinform مەنشىكتى ءتىلشىسى.
دجو بايدەن وتباسى مۇشەلەرى: ەكى اعاسى دجەيمس پەن فرەنسيس بايدەن، اعاسىنىڭ ايەلى سارا دجونس بايدەن، اپكەسى ۆالەري بايدەن وۋەنس جانە ونىڭ كۇيەۋى دجون وۋەنسكە راقىمشىلىق جاسادى، دەپ حابارلايدى New York Times.
- مەنىڭ وتباسىما ۇنەمى شابۋىل مەن قوقان-لوققى جاسالدى، بۇل تەك ماعان زيان تيگىزۋ نيەتىنەن بولدى - پارتيالىق ساياساتتىڭ ەڭ سوراقى ءتۇرى. وكىنىشكە قاراي، مەندە بۇل شابۋىلدار توقتايدى دەپ سەنۋگە نەگىز جوق، - دەپ حابارلادى دجو بايدەن ءوز مالىمدەمەسىندە.
2020-جىلى CNN ارناسىنا بەرگەن سۇحباتىندا بايدەن قىزمەتتەن كەتەتىن پرەزيدەنت وتباسى مۇشەلەرىن الدىن الا كەشىرە الادى دەگەن يدەيانى سىنعا الدى. سول كەزدە ءدال وسىنداي قادامعا ترامپ بارا الادى دەپ شامالانعان.
- بۇل مەنى ول قانداي ۇلگىلى وقيعا ەكەنى جانە الەمنىڭ قالعان بولىگى ءبىزدى زاڭ مەن ادىلەتتىلىك ەلى رەتىندە قالاي قارايتىنى تۇرعىسىنان الاڭداتادى. ەندى راقىمشىلىققا كەلەتىن بولساق، ءسىز ءبىزدىڭ اكىمشىلىكتە مۇنداي ءتاسىلدى كورمەيسىز، - دەپ مالىمدەدى سول كەزدە بايدەن.
ترامپتىڭ سايلاۋالدى شتابىنىڭ وكىلى الەكس پفايفەردىڭ «X» - تە اتاپ وتكەنىندەي، نيۋ-يوركتەگى سەناتتىڭ دەموكراتيالىق پارتياسىنىڭ جەتەكشىسى چاك شۋمەر ترامپتى قىزمەتىنەن كەتەر الدىندا 2020-جىلى بالالارىنا راقىمشىلىق جاساتپاعان جانە الدىن الا كەشىرىم جاساۋدى بيلىكتى اسىرا پايدالانۋمەن سالىستىردى.
اق ءۇي راقىمشىلىق جاساۋ تۋرالى پرەزيدەنت بايدەننىڭ پرەزيدەنتتىك مەرزىمىنىڭ اياقتالۋىنا 20 مينۋتتان از ۋاقىت قالعاندا، ول كاپيتوليدەن پرەزيدەنت رەتىندە سوڭعى رەت كەتەر الدىندا جاريالادى.
ەسكە سالا كەتسەك، بايدەن قىزمەتتەگى سوڭعى كۇنىندە تاعى بەس تۇتقىنعا راقىمشىلىق جاسادى.
