بايدەن مەن ترامپ ميچيگانداعى سايلاۋدا جەڭىسكە جەتتى

استانا. KAZINFORM - ميچيگان شتاتىندا وتكەن ىشكى پارتيالىق سايلاۋدا (پرايمەريز) پرەزيدەنت دجو بايدەن مەن بۇرىنعى پرەزيدەنت دونالد ترامپ جەڭىسكە جەتتى. بۇل تۋرالى NPR باسىلىمى جازدى.

نەگىزگى كانديداتتاردىڭ ەكەۋى دە وسى ۋاقىتقا دەيىنگى بارلىق پرەزيدەنتتىك سايلاۋدا جەڭىسكە جەتكەن.

دجو بايدەن دەموكراتيالىق سايلاۋشىلاردىڭ %79,8 قولداۋىنا يە بولدى. ونىڭ قارسىلاستارى: جازۋشى جانە ساياساتكەر مارياننا ۋيليامسون %2,9 جانە ا ق ش وكىلدەر پالاتاسىنىڭ دەموكرات مۇشەسى دين فيلليپس %2,8 داۋىس جينادى.

وسى ۋاقىتقا دەيىن دونالد ترامپ رەسپۋبليكاشىلدار پارتياسىنىڭ كانديداتۋراسى ءۇشىن 6 پرەزيدەنتتىك كونكۋستا جەڭىسكە جەتتى. ونىڭ قالعان باستى قارسىلاسى – ا ق ش-تىڭ بۇرىنعى ەلشىسى نيككي حەيلي ءالى بىردە-ءبىر بايقاۋدا جەڭىسكە جەتكەن جوق.

دونالد ترامپ شتاتتاعى قولداۋشىلارىنا العىس ءبىلدىرىپ، ميچيگانداعى ناتيجە ۇلكەن جەڭىس ەكەنىن ايتتى.

ا ق ش-تاعى سايلاۋ 2024 -جىلدىڭ 5-قاراشاسىنا بەلگىلەنگەن.

ايتا كەتەيىك، دونالد ترامپ نەۆادا، ايوۆا، نيۋ-گەمپشير جانە ۆيرگين ارالدارىندا وتكەن ىشكى پارتيالىق سايلاۋدا سەنىمدى تۇردە جەڭىسكە جەتتى.