بايدەن اتىستى توقتاتۋ تۋرالى مالىمدەمەسىنەن باس تارتتى
استانا. KAZINFORM – ا ق ش پرەزيدەنتى دجو بايدەن وسى اپتانىڭ باسىندا يزرايل مەن حاماس اراسىنداعى اتىس جاقىن ارادا توقتايتىنى تۋرالى مالىمدەمەلەرىنەن باس تارتتى. بۇل تۋرالى Aljazeera جازدى.
اق ۇيدە سۇحبات العان ءتىلشى ودان الداعى كۇندەرى كەلىسىمگە كەلۋگە ءالى دە ءۇمىت بار ما دەپ سۇراعاندا، ول بىلاي دەپ جاۋاپ بەردى:
«ءۇمىت ماڭگىلىككە سوزىلادى. مەن ءوڭىر تۇرعىندارىمەن تەلەفون ارقىلى سويلەستىم. دۇيسەنبىگە دەيىن ەمەس شىعار، ءبىراق مەن ۇمىتتەنەمىن»، - دەپ قوستى بايدەن.
سودان بەرى حاماس وكىلدەرى بايدەننىڭ ءوپتيميزمى «جەردەگى شىندىقپەن جاناسپايدى» دەپ مالىمدەدى.
بەيسەنبى كۇنى يزرايل پرەمەر-ءمينيسترى نەتانياحۋ «سوعىستاعى بارلىق ماقساتتارعا قول جەتكىزبەي تۇرىپ ونى توقتاتۋ ءۇشىن حالىقارالىق قىسىمدى قابىلدامايتىنىن» ايتتى.
«بۇل قىسىمدار ءوسىپ، كۇشەيىپ جاتسا دا، ءبىزدىڭ كۇش-جىگەرىمىز ەڭ ماڭىزدى ديپلوماتيالىق ارەنادا ءوز جەمىسىن بەرۋدە، بۇل، ارينە، امەريكا قۇراما شتاتتارى»، - دەدى ول امەريكالىقتاردىڭ 82 پايىزى يزرايل مەن گازا اراسىنداعى سوعىستى قولدايتىنىن كورسەتكەن كەيبىر قوعامدىق ساۋالنامالارعا سىلتەمە جاساي وتىرىپ.
