بايدەن ا ق ش پرەزيدەنتى رەتىندەگى قوشتاسۋ ءسوزىن سويلەدى
استانا. KAZINFORM - ا ق ش پرەزيدەنتى رەتىندەگى قوشتاسۋ سوزىندە دجو بايدەن امەريكالىقتارعا بايلىق پەن بيلىكتى وليگارحتار توبىنىڭ قولىندا شوعىرلاندىرۋ قاۋپى تۋرالى ەسكەرتتى، دەپ جازادى euronews.

باقىلاۋشىلار مەن ب ا ق بايدەن يلون ماسكتى مەڭزەپ وتىر دەپ ەسەپتەيدى.
ول ا ق ش پرەزيدەنتى رەتىندە حالىقپەن قوشتاسۋ سوزىندە امەريكاعا ۇلكەن ىقپال مەن بيلىككە يە بولىپ وتىرعان اسا بايلاردىڭ وليگارحياسى قاۋىپ توندىرەتىنىن قاپەرگە سالدى.
- مەنى قاتتى الاڭداتاتىن كەيبىر جايتتار تۋرالى ايتقىم كەلەدى. بيلىكتىڭ بايلىعى از ادامداردىڭ قولىندا شوعىرلانۋى قاۋىپتى، - دەدى بايدەن.
دجو بايدەن ءسوز اراسىندا «تەحنو- ونەركاسىپتىك كەشەن» تەرمينىن قولداندى.
17 مينۋتتىق سويلەگەن سوزىندە قىزمەتتەن كەتكەن پرەزيدەنت دونالد ترامپتىڭ نەمەسە ونىڭ اينالاسىنداعىلاردىڭ ەشقايسىنىڭ اتىن اتاعان جوق. ءبىراق بايدەننىڭ ءسوزى انىق بولدى. ميللياردەر يلون ماسك ۇكىمەتتىڭ تيىمدىلىگىن ارتتىرۋ باسقارماسىنىڭ باسشىسى رەتىندەگى جاڭا قىزمەتىنەن باستاپ ترامپ اكىمشىلىگىنە ۇلكەن ىقپال ەتەتىنىنە كۇمان كەلتىرمەيتىن جەتكىزدى.
سونىمەن قاتار بايدەن امەريكالىق دەموكراتيالىق ينستيتۋتتاردىڭ تۇراقتىلىعىنا سەنەتىنىن اتاپ ءوتتى.
ول ءوز جولداۋىن حالىققا، وتباسىنا جانە پرەزيدەنت كەزىندەگى قولداۋشىلارىنا ارنادى.