باياناۋىلدا جەردىڭ استىنا ءتۇسىپ كەتكەن اۆتوبۋستاعى ادامدار ءالى ىزدەستىرىلىپ جاتىر

«مايقايىڭالتىن» ا ق اۋماعىندا ىزدەستىرۋ- قۇتقارۋ جۇمىستارى جالعاسىپ جاتىر، دەپ حابارلايدى Kazinform ت ج م باسپا ءسوز قىزمەتىنە سىلتەمە جاساپ.

وپىرىلعان جەردە ءالى دە توپىراق سىرعىپ ءتۇسىپ جاتىر، وپىرىلۋ شەكاراسى تۇراقتى ەمەس.

قۇتقارۋشىلار جوعارى قاۋىپتى رەجيمدە جۇمىس ىستەۋدە. وقيعا ورنىندا پاۆلودار وبلىسىنىڭ اكىمى اساين بايحانوۆ پەن ت ج ۆيتسە-ءمينيسترى مەرەكە پىشەمبايەۆ بار.

ىزدەۋ جۇمىستارىنا استانا قالاسى مەن پاۆلودار وبلىسى ت ج د كينولوگتارى تارتىلدى.

وقيعا ورنىندا بارلىعى 97 ادام، 103 قىزمەتى بولىمشەلەرىنىڭ، سونداي-اق جەرگىلىكتى اتقارۋشى ورگانداردىڭ 23 تەحنيكاسى جۇمىلدىرىلدى.

ەسكە سالا كەتەيىك، كەشە «مايىقايىڭالتىن» كەن ورنىندا ويىق ماڭىنداعى توپىراق وپىرىلىپ، 4 ادام مىنگەن اۆتوبۋس جەردىڭ استىنا ءتۇسىپ كەتكەن بولاتىن.

كەيىن وقيعا ورنىنان ەكى ادامنىڭ دەنەسى تابىلدى.

كەشكىسىن تابىلعانداردىڭ كىم ەكەنى بەلگىلى بولدى.