باياناۋىل ۇلتتىق پاركىندە بيىل تاعى قاراقۇرت شىعۋى مۇمكىن

Қарақұрт
فوتو: باياناۋىل ۇلتتىق پاركى

پاۆلودار. KAZINFORM - پارك قىزمەتكەرلەرى تورايعىر كولىنىڭ ماڭىنداعى تاستاق جەرلەردەن قاراقۇرت جۇمىرتقالارىن تاپتى. دەمەك جاز ماۋسىمىندا قاۋىپتى جاندىكتىڭ قايتا شىعۋ ىقتيمالدىعى بار.

بيىل جاسىباي مەن تورايعىر دەمالىس ايماقتارىنا دەمالۋعا باراتىن تۋريستەرگە ساق بولعان ءجون. تاۋلى ولكەدە قاراقۇرت بار. بۇل جاندىك بىلتىر تورايعىر اۋماعىندا العاش رەت انىقتالعان. باياناۋىل ۇلتتىق پاركىنىڭ قىزمەتكەرلەرى قاراقۇرتتىڭ جۇمىرتقالارىن تاپقانىن حابارلادى.

Қарақұрт
فوتو: باياناۋىل ۇلتتىق پاركى

«الدىڭعى جاز ماۋسىمىندا ۇلتتىق پارك اۋماعىندا قاراقۇرتتىڭ بار ەكەنىڭ حابارلاعان ەدىك. بيىل باياناۋىل مەملەكەتتىك ۇلتتىق تابيعي پاركى، تورايعىر اۋىلىنداعى 6 -شى ورامىندا (تورايعىر كولىنىڭ تاستى جەرلەرىندە) قاراقۇرتتىڭ جۇمىرتقالارى تابىلعانىن مالىمدەيمىز. دەمەك جاز ماۋسىمىندا ولاردىڭ قايتا شىعۋ ىقتيمالدىعى بار. سوندىقتان جەرگىلىكتى تۇرعىندار مەن دەمالۋشىلاردان قاۋىپسىزدىك شارالارىن ساقتاۋدى، مەيلىنشە ساق بولۋدى سۇرايمىز. تابيعات اياسىندا بولعان ۋاقىتتا قوقىستارىڭىزدى جيناپ كەتۋلەرىڭىزدى سۇرايمىز»، دەيدى پاركتىڭ عىلىم جانە مونيتورينگ ءبولىمىنىڭ باسشىسى دينارا كۇنشۋاقوۆا.

Қарақұрт
فوتو: باياناۋىل ۇلتتىق پاركى

دارىگەرلەر ەگەر ادامدى قاراقۇرت شاعىپ السا، بىردەن مەديتسينالىق كومەككە جۇگىنگەن ابزال دەيدى. مەديتسينالىق كومەك كەلىپ جەتكەنشە قاراقۇرت شاققان جەردى 2-3 مينۋت كۇيدىرۋگە بولادى. ول جاندىكتىڭ ۋلى اسەرىن جويادى.

ەسكە سالا كەتەيىك، باياناۋىلداعى جاسىل ورماندار جۇپسىز جىبەك كوبەلەگىنەن زيان شەگىپ جاتىر.

Қарақұрт
فوتو: باياناۋىل ۇلتتىق پاركى

 

اۆتور
مۇرات اياعان

سوڭعى جاڭالىقتار