باياناۋىلدا اۋەدەن بارلاۋ كەزىندە ارقارلار بەينەكامەراعا ءتۇسىپ قالدى
استانا. KAZINFORM - باياناۋىل مەملەكەتتىك ۇلتتىق تابيعي پاركىنىڭ اۋماعىن اۋەدەن بارلاۋ كەزىندە تاۋدا ەركىن جۇرگەن ارقارلار بەينەكامەراعا ءتۇسىپ قالدى.
ەرەكشە كادرلاردى «قازاۆيا ورمان قورعاۋ» ر م ق ك باياناۋىل اۆياتسيالىق بولىمشەسىنىڭ باستىعى جاسۇلان ساتبايەۆ تۇسىرگەن. بۇل تۋرالى ەكولوگيا مينيسترلىگى ءمالىم ەتتى.
اۋەدەن بارلاۋ بارىسىندا ورمان القاپتارىنىڭ جاعدايى باقىلانىپ قانا قويماي، تابيعي اۋماقتاعى جانۋارلار دۇنيەسىن دە كەزدەستىرۋگە مۇمكىندىك تۋادى. بۇل جولى باياناۋىل تاۋلارىندا جۇرگەن ارقارلار وبەكتيۆكە ىلىكتى.
- وسىنداي كادرلار - ەرەكشە قورعالاتىن تابيعي اۋماقتاعى جابايى جانۋارلاردىڭ تابيعي تىرشىلىگىنەن ءبىر كورىنىس، - دەلىنگەن حابارلامادا.
بۇعان دەيىن شىعىس قازاقستان وبلىسىنداعى تارباعاتاي مەملەكەتتىك ۇلتتىق تابيعي پاركى اۋماعىندا ارقارلار فوتوتۇزاققا بىرنەشە رەت ءتۇسىپ قالعانىن جازعان ەدىك.
