باياناۋىل ۇلتتىق پاركىندە ءبىر توپ ارقار كەزدەستى
استانا. KAZINFORM - كەزەكتى اۋماقتى بارلاۋ بارىسىندا باياناۋىل مەملەكەتتىك ۇلتتىق تابيعي پاركىنىڭ ماماندارى مەن «قازاۆياورمانقورعاۋ» قىزمەتكەرلەرى ءبىر توپ ارقارلاردى كەزىكتىردى.
سۇلۋلىعى مەن قاتالدىعى قاتار ورىلگەن تابيعي ورتادا ەركىن جايىلعان ارقارلار - باياناۋىل تابيعاتىنىڭ ايرىقشا بايلىعى مەن كوركىن ايقىندايتىن اسەرلى كورىنىس.
مۇنداي كەزدەسۋلەر - جاي عانا ادەمى كادر ەمەس. بۇل ۇلتتىق پارك اۋماعىنداعى جانۋارلار دۇنيەسىنىڭ ساقتالىپ، تابيعي ورتانىڭ ءوز قالپىندا جالعاسىپ جاتقانىن كورسەتەتىن ماڭىزدى بەلگى.
ارقار - قازاق دالاسىنىڭ ايبىندى جانۋارلارىنىڭ ءبىرى. ولاردى تابيعي مەكەنىندە كورۋ - ءاردايىم ەرەكشە اسەر سىيلايتىن ءسات.
باياناۋىلدىڭ كەڭ دالاسى مەن تاستى جوتالارىندا ەركىن جۇرگەن ارقارلار - تابيعاتتىڭ ءۇنسىز، ءبىراق ايرىقشا اسەم تىنىسى.
تابيعاتتى قورعاۋ جولىنداعى ءاربىر باقىلاۋ جۇمىسى وسىنداي قۇندى كەزدەسۋلەرمەن تولىققاندا، ونىڭ ماڭىزى ءتىپتى تەرەڭدەي تۇسەدى.
ايتا كەتەلىك باياناۋىل ورماندارىندا العاش رەت قۇنۋ كوزگە تۇسكەن ەدى.
