باتىس قازاقستاندا ەرىگەن قار سۋى جولدى شايىپ كەتتى
ورال. KAZINFORM - باتىس قازاقستان وبلىسىندا وبلىستىق ماڭىزى بار چاپايەۆ- جاڭاقالا- سايقىن جولىن ەرىگەن قار سۋى شايىپ كەتتى.
ب ق و ت ج دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا 9-اقپان كۇنى ساعات 16.30 شاماسىندا جاڭاقالا اۋدانى ماستەكساي اۋىلىنان 2 شاقىرىم جەردە بولدى.
«قاردىڭ كۇرت ەرۋى سالدارىنان سۋ جولدىڭ ۇستىنە شىعىپ كەتكەن (شايۋ ەنى - 55 مەتر، تەرەڭدىگى - 25 س م). كولىك قوزعالىسى ۋاقىتشا توقتاتىلدى. اۆتوكولىك جۇرەتىن جايداق جول بار. ەلدى مەكەندەرگە قاۋىپ جوق. جەرگىلىكتى اكىمدىك، پوليتسيا، ت ج ءبولىمى كەزەكشىلىك ۇيىمداستىردى. «يۋنيسەرۆ» ج ش س كۇشىمەن جولدى بەكىتۋ جۇمىستارى جۇرگىزىلۋدە. وقيعا باقىلاۋدا»، دەپ حابارلادى ۆەدومستۆودان.
ەسكە سالا كەتەيىك، بۇدان بۇرىن كۇشتى جەل سالدارىنان اتىراۋ- ورال رەيسى ۇشپاي قالعانىن جازعان بولاتىنبىز.
