باتىس قازاقستاندا مەملەكەت باسشىسىنىڭ اتىنان اۋىزاشار بەرىلدى
ورال. KAZINFORM - اۋىزاشارعا وڭىردە ءار سالادا قىزمەت ەتىپ جۇرگەن ازاماتتار، ەڭبەك ادامدارى، زيالى قاۋىم وكىلدەرى مەن قوعام بەلسەندىلەرى قاتىستى.
جينالعانداردى باتىس قازاقستان وبلىسىنىڭ اكىمى ناريمان تورەعاليەۆ قۇتتىقتادى.
«بارشاڭىزدى قاسيەتتى رامازان ايىمەن قۇتتىقتايمىن. رامازان ايى - كۇللى مۇسىلمان قاۋىمى ءۇشىن ەرەكشە مەزەت. بۇل ايدىڭ رۋحاني تۇرعىدا دامۋىمىز ءۇشىن دە پايداسى زور. سەبەبى رامازان كەشىرىمدى بولۋعا، قايىرىمدىلىق پەن يگى ىستەر جاساۋعا ۇندەيدى. 2022-جىلى العاشقى رەت اقوردادا قازاقستان پرەزيدەنتى اتىنان ارنايى اۋىز اشار بەرىلگەن بولاتىن. بۇل باستاما بيىل دا ءوز جالعاسىن تاۋىپ، بارلىق وبلىستا پرەزيدەنتىمىز قاسىم-جومارت توقايەۆتىڭ اتىنان ورازا ۇستاۋشىلارعا اۋىزاشار بەرىلىپ جاتىر. وسى ايدا جاساعان دۇعا-تىلەكتەرىڭىز بەن ۇستاعان ورازالارىڭىز قابىل بولسىن! ناۋرىز مەيرامى دا قۇت بەرەكە اكەلسىن! ەلىمىز امان، جۇرتىمىز تىنىش بولسىن!» - دەدى وبلىس اكىمى.
