باتىس قازاقستاندا كەيىنگى ءۇش جىلدا تۋۋ كورسەتكىشى وسكەن
ورال. KAZINFORM — باتىس قازاقستان وبلىسىندا وتكەن جىلى 14013 ءسابي جارىق دۇنيە ەسىگىن اشتى.

ب ق و ادىلەت دەپارتامەنتى باسشىسىنىڭ ورىنباسارى ەستاي راشقاليەۆتىڭ ءمالىم ەتكەنىندەي، بۇل 2023-جىلداعىدان (11917) 2096 نارەستەگە كوپ.
ەستاي ەلتاي ۇلىنىڭ سوزىنە قاراعاندا، سوڭعى ءۇش جىلدا تۋۋ كورسەتكىشىنىڭ وسكەنى بايقالادى.
— سونىمەن قاتار، 2024-جىلى 4519 (2023-جىلى — 4897) نەكە قيىلعان. ال 1172 نەكە (2023-جىلى — 2039) ەكەۋارا كەلىسىممەن بۇزىلعان. وتكەن جىلى 5648 ادام ومىردەن وتكەن، بۇل 2023-جىلعىدان (4587) 1061 گە كوپ بولىپ وتىر، — دەيدى دەپارتامەنت باسشىسىنىڭ ورىنباسارى.
ونىڭ ايتۋىنشا، ازاماتتىق حال اكتىلەرىن تىركەۋ سالاسى بويىنشا رەفورمالار، سونىڭ ىشىندە ا ح ا ج- دى سيفرلاندىرۋ جالعاسۋدا.
— بۇل رەتتە ادىلەت ورگاندارى اتالعان سالا بويىنشا تالداۋ جانە مونيتورينگ جۇرگىزۋ، ازاماتتىق حال اكتىلەرىن تىركەۋدى نورماتيۆتىك-ءادىسنامالىق قامتاماسىز ەتۋ، باقىلاۋ جانە ءتيىستى دەرەكقوردىڭ جۇمىس ىستەۋىن قامتاماسىز ەتۋدى جۇزەگە اسىرادى. وسىعان وراي ق ر پرەمەر-ءمينيسترىنىڭ 2024-جىلعى 29-شىلدەدەگى حالىقتى مەملەكەتتىك قولداۋ شارالارىنىڭ تيىمدىلىگىن ارتتىرۋ ماسەلەلەرى بويىنشا تاپسىرماسىن ورىنداۋ ماقساتىندا ب ق و ادىلەت دەپارتامەنتى وبلىستىڭ مۇددەلى ورگاندارىمەن بىرلەسە وتىرىپ، وتباسى سيفرلىق كارتاسىنىڭ دەرەكتەرىن وزەكتەندىرۋ جۇمىستارىن اتقارۋدا، — دەدى ە. راشقاليەۆ.
ەسكە سالا كەتەيىك، بۇدان بۇرىن باتىس قازاقستاندا 430 بورىشكەردىڭ اكىمشىلىك قاماققا الىنعانىن جازعان بولاتىنبىز.