باتىس قازاقستاندا كيىك ەتتەرى ءتورت كومبيناتقا جونەلتىلىپ جاتىر

كيىك
Фото: turkystan.kz

 باتىس قازاقستان وبلىسىندا سويىلعان كيىك ەتتەرى ءتورت كومبيناتقا جونەلتىلىپ جاتىر، دەپ حابارلايدى Kazinform. 

ب ق و ورمان شارۋاشىلىعى جانە جانۋارلار دۇنيەسىن قورعاۋ اۋماقتىق ينسپەكسياسىنىڭ باسشىسى نۇرلان راحىمجانوۆتىڭ ايتۋىنشا، قازىرگى كەزدە كيىكتەر جاڭاقالا مەن كازتالوۆ اۋداندارىندا اۋلانىپ، سويىلۋدا.

«كۇنى بۇگىن 1700 دەن استام باس كيىك سويىلىپ، ەتتەرى جاڭاقالا اۋدانىنداعى «ساۋلەتوۆ»، كازتالوۆ اۋدانى جالپاقتال اۋىلىنداعى «جالپاقتال»، ورالعا قاراستى كرۋگلووزەرنىي كەنتىندەگى «كۋبەيەۆ» ج ك جانە اتىراۋ قالاسىنداعى «اسىل-اگرو» كومپانياسىنا جونەلتىلدى. كومبيناتتار ەتتى توڭازىتقىشتا ساقتاپ، حالىققا ساتادى. سوڭعى كەزدە كرۋگلووزەرنىيداعى عيماراتتىڭ بۇرىن اۆتوكولىك جۋۋ نىسانى بولعانى جونىندە اڭگىمە ايتىلۋدا. بۇعان قاتىستى مىناداي تۇسىنىكتەمە بەرگىم كەلەدى. بۇرىن سونداي نىسان بولعانىمەن، كەيىن ءىشىن قايتا جاساقتاپ، ۆەتەرينارلىق تالاپقا سايكەستەندىرىپ، ءتيىستى قۇجاتتارىن العان»، دەدى ن. راحىمجانوۆ.

«وحوتزووپروم» ءو ب» ر م ق ك باتىس قازاقستان وڭىرلىك فيليالىنىڭ ديرەكتورى ارمان قوجاحمەتوۆ كيىك ۇشالارىنىڭ ەت كومبيناتتارىنا جىبەرىلىپ جاتقانىن ايتىپ، 21-قازان كۇنى جاڭبىرعا بايلانىستى بۇل جۇمىستىڭ ۋاقىتشا توقتاعانىن حابارلادى.

ەسكە سالا كەتەيىك، بۇدان بۇرىن ب ق و-دا كيىكتى ۇستاپ، ەتىن حالىققا ساتۋعا رۇقسات ەتىلگەنىن جازعان بولاتىنبىز.

سوڭعى جاڭالىقتار