باتىس قازاقستاندا كيىك اۋلاۋمەن 20 بريگادا اينالىسىپ جاتىر

  ورال. KAZINFORM - باتىس قازاقستان وبلىسىندا كيىك اۋلاۋ جۇمىستارىمەن 20 بريگادا اينالىسىپ جاتىر.

ب ق و ورمان شارۋاشىلىعى جانە جانۋارلار دۇنيەسىن قورعاۋ اۋماقتىق ينسپەكتسياسىنىڭ باسشىسى نۇرلان راحىمجانوۆتىڭ ءمالىم ەتكەنىندەي، بيىل ۇكىمەتتىڭ قاۋلىسى مەن كوميتەتتىڭ بۇيرىعىنا سايكەس كيىك سانىن رەتتەۋ ءىسى 10 - قاڭتاردان باستالىپ، 29-اقپانعا دەيىن جۇرگىزىلەدى.

نۇرلان ساعىنتاي ۇلىنىڭ سوزىنە قاراعاندا، قىستا كورالل ءادىسى قولدانىلمايدى.

ويتكەنى جەر قاتىپ قالعان، قازىلمايدى، كيىكتى موتوتسيكلمەن ايداپ، قاماۋ مۇمكىن ەمەس. سوندىقتان تەك اتۋ ادىسىمەن رەتتەلەدى.

«وبلىس بويىنشا بارلىعى 20 بريگادا جۇمىستانىپ جاتىر. دەگەنمەن بۇل ونىڭ ءبارى ءبىر مەزگىلدە شىعادى دەگەن ءسوز ەمەس. كەيبىرىنىڭ كولىكتەرى بولمايدى نەمەسە وق- ءدارى تاۋسىلىپ قالادى. كۇنى بۇگىنگە دەيىن 2874 كيىك اتىلدى. وتكەن جىلدان باستاپ 226 مىڭ باس كيىك اۋلانۋى كەرەك ەدى. الايدا 2023 -جىلى 20 مىڭ باس، بيىل 2800 دەي باس كيىك اۋلانىپ، ءبىز ءالى 10 پايىزىنا جەتكەن جوقپىز»، - دەدى ن. راحىمجانوۆ.

ەسكە سالا كەتەيىك، بۇدان بۇرىن باتىس قازاقستاندا 4800 دەن استام كيىك اۋلانىپ، اتىلعانىن جازعان بولاتىنبىز.