باتىس قازاقستاندا جول اپاتىنان ەكى وقۋشى كوز جۇمدى

ورال. KAZINFORM - باتىس قازاقستان وبلىسىندا جول-كولىك وقيعاسىنان ەكى جاس ءوسپىرىم قازا تاپتى.

ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا 21-ءساۋىر كۇنى بايتەرەك اۋدانى اۋماعىندا پەرەمەتنىي-بەلەس جولىندا بولدى. شامامەن ساعات 11.00 دە Jac N56 جانە «ۆاز-2110» كولىكتەرى سوقتىعىستى.

- جول اپاتىنان جەڭىل كولىكتىڭ جۇرگىزۋشىسى مەن جولاۋشىسى كوز جۇمدى. جەڭىل اۆتوكولىكتە 2008 جانە 2010-جىلعى جاس وسپىرىمدەر بولعان. قازىرگى كەزدە قىلمىستىق ءىس قوزعالىپ، وقيعانىڭ ءمان-جايى انىقتالۋ ۇستىندە. پوليتسيا دەپارتامەنتى مەرت بولعانداردىڭ وتباسىلارىنا كوڭىل ايتا وتىرىپ، اتا-انالاردىڭ بالالارىنىڭ قاۋىپسىزدىگىنە مۇقيات قاراۋى كەرەكتىگىن ەسكە سالادى، - دەپ حابارلادى ۆەدومستۆودان.

تۇرعىنداردىڭ سوزىنە قاراعاندا، مارقۇمداردىڭ ءبىرى 2008، ەكىنشىسى 2010-جىلعى، ەكەۋى دە - مەكتەپ وقۋشىلارى.

ەسكە سالا كەتەيىك، بۇدان بۇرىن ورالدا جەڭىل كولىك اۆتوبۋسپەن ءتۇيىسىپ، 3 ادام اۋرۋحاناعا جاتقىزىلعانىن جازعان بولاتىنبىز.