باتىس قازاقستاندا بەيمالىم اۋرۋدان ۇساق مال قىرىلىپ قالدى

ورال. KAZINFORM - ا ش م ۆەتەريناريالىق باقىلاۋ جانە قاداعالاۋ كوميتەتىنىڭ اۋماقتىق دەپارتامەنتى الەۋمەتتىك جەلىلەردە مالدىڭ جاپپاي اۋرۋعا شالدىعۋى جانە قىرىلۋى تۋرالى جاريالانىمداردى تەكسەرىپ جاتىر.

جەلىدەگى جازبا اۆتورى مۇنىڭ سەبەبىن جۇقپالى اۋرۋدىڭ ءورشۋى دەپ بولجايدى.

سونداي-اق، ونىڭ ايتۋىنشا، جەرگىلىكتى حالىق ۇزاققا سوزىلعان جاڭبىردان ۇساق مال السىرەپ كەتكەنىن ايتقان.

انىقتالعانداي، 24-شىلدە كۇنى تاڭعى ساعات 6:00-دەن باستاپ قازتالوۆ اۋىلىندا قاتتى جاڭبىر جاۋعان.

شوپان جايىلىمنان قويىن اۋىلعا ايداي الماي، قازتالوۆ اۋىل وكرۋگىندەگى مىشىم قىستاۋىنا تاستاپ كەتكەن.

سالدارىنان 25-شىلدەگە قاراعان ءتۇنى 38 باس قوي-ەشكى قىرىلدى.

«سول كۇنى ۆەتەرينارلىق قىزمەت ماماندارى ولەكسەلەردى مال قورىمىنا شىعاردى. اسا قاۋىپتى اۋرۋلاردى بولدىرماۋ ءۇشىن ولگەن 2 باس قوي مەن 1 ەشكىدەن پاتولوگيالىق ماتەريالدار ىرىكتەپ الىنىپ، ۆەتەريناريالىق باقىلاۋ جانە قاداعالاۋ كوميتەتىنىڭ وبلىستىق زەرتحاناسىنا جىبەرىلدى» دەيدى ا ش م باسپا ءسوز قىزمەتىنەن.

ناتيجەسى 5-تامىزدا دايىن بولادى.

ەپيزووتيالىق جاعداي وسى اۋماقتىڭ ۆەتەرينارلىق قىزمەتىنىڭ باقىلاۋىندا.