باتىس قازاقستاندا 430 بورىشكەر اكىمشىلىك قاماققا الىندى

ورال. KAZINFORM - باتىس قازاقستان وبلىسىندا وتكەن جىلى ماجبۇرلەپ ورىنداتۋ سالاسى بويىنشا 645 بورىشكەرگە قاتىستى اكىمشىلىك قۇقىق بۇزۋشىلىق تۋرالى ىستەر قوزعالدى.

ب ق و ادىلەت دەپارتامەنتى باسشىسىنىڭ ورىنباسارى ەستاي راشقاليەۆتىڭ وڭىرلىك كوممۋنيكاتسيالار قىزمەتى الاڭىندا وتكەن بريفينگتە ءمالىم ەتكەنىندەي، سونىڭ ناتيجەسىندە 173 بورىشكەرگە ايىپپۇل سالىنسا، 430 ى اكىمشىلىك قاماققا الىندى.

ەستاي ەلتاي ۇلىنىڭ سوزىنە قاراعاندا، 2024 -جىلى سوت ورىنداۋشىلارىنىڭ وندىرىسىندە 152,7 ميلليارد تەڭگەنىڭ 296954 اتقارۋشىلىق ءىس جۇرگىزۋ قۇجاتى بولدى. سونىڭ 51,5 ميلليارد تەڭگە بولاتىن 125851 قۇجاتى ورىندالدى.

- سوت اكتىلەرىن ورىنداۋدان قاساقانا جالتارۋ قر قىلمىستىق نەمەسە اكىمشىلىك زاڭنامالارىنا سايكەس جاۋاپتىلىققا اكەپ سوعادى. وسى ورايدا پروكۋراتۋرا، پوليتسيا جانە جەكە سوت ورىنداۋشىلارى وڭىرلىك پالاتاسىمەن بىرلەسكەن جۇمىستار اتقارىلۋدا. اتاپ ايتقاندا، وتكەن جىلى سوت ورىنداۋشىلارىنىڭ ۇسىنىمدارى نەگىزىندە 4 بورىشكەر ق ر ق ك 139-بابىنا سايكەس سوت ۇكىمىمەن قىلمىستىق جاۋاپكەرشىلىككە تارتىلدى. 8 قىلمىستىق ءىس تاراپتاردىڭ تاتۋلاسۋىمەن توقتاتىلسا، 17 ءسى الدىن الا تەرگەۋ ساتىسىندا قارالۋدا، - دەدى ە. راشقاليەۆ.

ونىڭ ايتۋىنشا، اكىمشىلىك جاۋاپكەرشىلىككە تارتىلعان ادامدار الدىڭعى جىلمەن سالىستىرعاندا، 54,2 پايىزعا نەمەسە 295 ىسكە كوبەيگەن. اكىمشىلىك قاماققا الىنعاندار 50,6, ايىپپۇل سالىنعاندار 58,9 پايىزعا وسكەن.

- 2024 -جىلى اليمەنت تولەمدەرى بويىنشا بەرەشەگى بار ازاماتتاردى جۇمىسقا ورنالاستىرۋ ءۇشىن جۇمىس ورىندارىنىڭ 20 جارمەڭكەسى وتكىزىلدى. سونىڭ ناتيجەسىندە 462 بورىشكەر جۇمىسپەن قامتىلدى. ءبىر جىلدا وسى سالا بويىنشا سوت ورىنداۋشىلارىنا قاتىستى 125

تەن استام ارىز- شاعىم تۇسكەن، - دەدى دەپارتامەنت باسشىسىنىڭ ورىنباسارى.

ەسكە سالا كەتەيىك، بۇدان بۇرىن كۇتىمسىز جولدان زارداپ شەككەن ورال تۇرعىنى زالالدى اكىمدىكتەن وندىرگەنىن جازعان بولاتىنبىز.