باتىس قازاقستاندا زاڭسىز گراففيتي سالعان جىگىت 5 تاۋلىككە قاماۋعا الىندى
استانا. KAZINFORM - جەدەل باقىلاۋ ورتالىعىنىڭ كامەرالارىن زەردەلەۋ كەزىندە اقساي قالاسىنداعى عيماراتتاردىڭ ءبىرىنىڭ قورشاۋىنا جاس جىگىتتىڭ زاڭسىز جازۋ جازىپ تۇرعانى انىقتالدى، دەپ حابارلايدى Polisia.kz.
پوليتسيا قىزمەتكەرلەرى دەرەۋ وقيعا ورنىنا بارىپ، قۇقىق بۇزۋشىنى ۇستاپ، پوليتسيا بولىمىنە جەتكىزدى. ول اقساي قالاسىنىڭ 19 جاستاعى تۇرعىنى الەكساندر الەكساندروۆ بولىپ شىقتى.
سوت شەشىمىمەن كىنالى دەپ تانىلعان ازامات 5 تاۋلىككە اكىمشىلىك قاماۋعا الىندى. زاڭسىز جازۋ جويىلدى.
- وسى رەتتە پوليتسيا زاڭسىز جازۋلار مەن گراففيتي سالۋ جاۋاپكەرشىلىككە اكەپ سوعاتىنىن ەسكەرتەدى. زاڭ مەن ءتارتىپ» قاعيداتى - بارشاعا ورتاق، - دەلىنگەن حابارلامادا.
