باتىر جۇكەمبايەۆتىڭ قارسىلاسى بەلگىلى بولدى

قازاقستاندىق كاسىپقوي بوكسشى باتىر جۇكەمبايەۆ (20-1، 16 ك و) الداعى كەزدەسۋى تۋرالى اقپاراتپەن ءبولىستى، دەپ حابارلايدى Kazinform.

وتانداسىمىز تۆيتتەردەگى پاراقشاسىندا كەزدەسۋدىڭ رەسمي پوستەرىن جاريالادى.

وندا جەكپە-جەكتىڭ 13- جەلتوقسان كۇنى وتەتىنى جازىلعان. باتىردىڭ قارسىلاسى فرانسۋز بوكسشىسى - مۇحامەد ميمۋن (23-5، 4 ك و).

بوكس كەشى پلانت-سيتيدە (ا ق ش، فلوريدا شتاتى) وتەدى. جەكپە-جەك 10 راۋندقا جوسپارلانعان.

ايتا كەتەيىك، 21- قىركۇيەك كۇنى جۇكەمبايەۆ ءدال وسى پلانت-سيتيدە ارگەنتينالىق ۋگو البەرتو رولداندى جەڭىپ، ءبىرىنشى جارتىلاي ورتا سالماقتا WBA NABA اتاعىن جەڭىپ العان بولاتىن.

اۆتور كۇنسۇلتان وتارباي