باسىنا وق اتىپ العان ۇلتتىق ۇلان ساربازى مەرت بولدى
ق ر ۇلتتىق ۇلان 6636 اسكەري بولىمىندەگى سارباز ولىمىنە تۇسىنىك بەردى، دەپ حابارلايدى Kazinform اگەنتتىگى.
«9- قازاندا 6636 اسكەري بولىمىندە قاتارداعى جاۋىنگەر قايسار مارات ۇلى سۇلتانوۆ اسكەري قالاشىقتى كۇزەتەتىن كەزەكشى بولىمشەنىڭ قۇرامىندا قىزمەتكە كىرىستى. شتاب بويىنشا كەزەكشى بولىمشەنىڭ كومانديرى ساعات 01.20 شاماسىندا جاۋىنگەرلەردىڭ جۇمىسىن تەكسەرۋ كەزىندە قاتارداعى جاۋىنگەر ق. م. سۇلتانوۆتى كۇزەت بەكەتىنەن باسىنداعى وق جاراقاتىمەن تاۋىپ العان. وقيعا ورنىنا كەلگەن جەدەل جاردەم قىزمەتكەرلەرى ساربازدىڭ قايتىس بولعانىن مالىمدەدى»، - دەلىنگەن حابارلامادا.
وقيعانىڭ سەبەبى انىقتالىپ جاتىر. قىزمەتتىك تەرگەۋ باستالعان.
«6636 اسكەري ءبولىمىنىڭ قولباسشىلىعى قاتارداعى جاۋىنگەر ق. م. سۇلتانوۆتىڭ تۋىستارى مەن جاقىندارىنا كوڭىل ايتادى»، - دەيدى ۇلتتىق ۇلاننان.
ۆەدومستۆو قىلمىستىق-پروتسەسسۋالدىق كودەكستىڭ 201-بابىنا سايكەس وزگە اقپارات جاريالانبايتىنىن مالىمدەدى.
