«باستاۋ» كينوفەستيۆالىندە ماكس اكباروۆتىڭ دەبيۋتتىك رەجيسسەرلىك جۇمىسى كورسەتىلدى
«باستاۋ» كينوفەستيۆالى اياسىندا «ارمان» كينوتەاترىندا ماكس اكباروۆتىڭ «دالا» اتتى فيلمىنىڭ قازاقستاندىق پرەمەراسى ءوتتى. اتاقتى پروديۋسەر جانە اكتەردىڭ دەبيۋتتىك رەجيسسەرلىك جۇمىسى Bastau Debuts بايقاۋىنا قاتىسىپ جاتىر، دەپ حابارلايدى Kazinform.
كارتينا قازاقستان دالاسىنداعى براكونەرلەرمەن كۇرەسكە تۇسكەن تابيعاتتى قورعاۋ ينسپەكتورلارىنىڭ وقيعاسىن باياندايدى. فيلم 2019 -جىلى براكونەرلەرمەن ارپالىستا ەرلىكپەن قازا تاپقان ينسپەكتورلار ەرلان نۇرعالييەۆ پەن قانىش نۇرتازينوۆتى ەسكە الۋعا ارنالعان.
فيلم كوپ ۋاقىتتان بەرى حالىقارالىق كورمەلەرگە قاتىستى. «دالانى» الەم بويىنشا 20 عا جۋىق كينوفەستيۆالدىڭ كورەرمەندەرى باعالاپ ۇلگەردى. ازىرشە اۆتورلاردىڭ قورجىنىندا 11 جۇلدە بار. ەندى مىنە كينو وتاندىق كينو سۇيەر قاۋىمعا دا جەتتى.
باستاۋ» كينوفەستيۆالىندە ماكس اكباروۆتىڭ دەبيۋتتىك رەجيسسەرلىك جۇمىسى كورسەتىلدى
«بۇل - الەۋمەتتىك ماڭىزى بار فيلم، ءبىز ونى كينوفەستيۆالدەرگە بارادى دەپ ويلاعان جوقپىز. ءتۇسىرىلىمنىڭ ءوزى وتە قىزىقتى، ەرەكشە بولدى. اسىرەسە مەن ءۇشىن. سەبەبى بۇل - مەنىڭ رەجيسسەرلىك دەبيۋتىم. قيىن ساتتەر دە بولدى، ءبىز قىستا مينۋس 47 گرادۋستا تۇسىردىك، بوران بولدى، دالادا بىرنەشە ساعاتتا اكتەرلارىمىز اداسىپ كەتتى. جازدا پليۋس 50 دە ءتۇسىرىلدى، ونعا جۋىق كولىك بۇزىلدى. ەكشن كوپ بولدى. وسىنداي ەكسترەمالدى كادرلاردىڭ ارقاسىندا ءبىز لوندونداعى International MOTOR AWARDS كينوفەستيۆالىنە قاتىستىق، وندا سوڭعى «فورساجبەن «ۇزدىك كاسكادەرلىك تريۋكتەر» نوميناتسياسىندا بولدىق»، - دەدى دەبيۋتانت ماكس اكباروۆ.
73 مينۋتتىق قىسقا حرونومەتراجعا قاراماستان، كارتينادا وتە مىقتى اكتەرلىك قۇرام بولدى. كادردىڭ ءار شارشى مەترى ءۇشىن داۋرەن سەرعازين، ەرجان ءتۇسىپوۆ، تولەپبەرگەن بايساقالوۆ، ەربولات الكوجا، نىشانبەك جۇبانايەۆ، سەرگەي ۋفيمتسيەۆ، ەرجان جارىلقاسىن ۇلى، سەيدۋللا مولداحانوۆ جانە اتاقتى رەسەيلىك اكتەر سەرگەي گارماش سەكىلدى تانىمال اكتەرلەر كۇرەسەدى. باستى ءرولدى سومداعان سەيدۋللا مولداحانوۆ ءتۇرلى كينوفەستيۆالدەردە ءۇش ماراپاتقا يە بولدى، ال اكباروۆتىڭ ءوزى قازان ايىنىڭ باسىندا XV تاشكەنت حالىقارالىق كينوفەستيۆالىندە «ۇزدىك دەبيۋت» جۇلدەسىنە يە بولدى.
باستاۋ» كينوفەستيۆالىندە ماكس اكباروۆتىڭ دەبيۋتتىك رەجيسسەرلىك جۇمىسى كورسەتىلدى
تۋىندى اقمولا جانە قوستاناي وبلىستارىندا تۇسىرىلگەن. بيۋدجەتى شامامەن 180 ميلليون تەڭگە. فيلم كەلەسى جىلى پروكاتقا شىعادى دەپ جوسپارلانعان.
ال 14 - جەلتوقسان كۇنى كەشكە فەستيۆال قوناقتارىن تاعى ەكى قازاقستاندىق پرەمەرا - داۋلەتجان ماحمۇتتىڭ «گلوبۋس» جانە ناريمان تۋرەبايەۆتىڭ «ول شاينەكتى ساتىپ الدى» فيلمدەرى جانە ايسۇلتان سەيىتوۆتىڭ «قاش» فيلمىنىڭ ارنايى كورسەتىلىمى كۇتەدى.
فەستيۆال ءداستۇرلى تۇردە Tanaris Production جانە A- Team كينوكومپانيالارىمەن الماتى قالاسى اكىمدىگىنىڭ جانە ق ر مادەنيەت جانە اقپارات مينيسترلىگىنىڭ قولداۋىمەن ۇيىمداستىرىلادى.
فەستيۆالدىڭ اقپاراتتىق سەرىكتەستەرى: «Qazaqstan» ، «حابار» ، «24 KZ» ، «ەل ارنا» ، «Jibek Joly» ، «Silk Way» ، «Silk Way Cinema» ، «Almaty tv» ، «Alatau tv» تەلەارنالارى، «ەلدوراديو» جانە «نارودنوە راديو» راديوستانتسيالارى، «ەگەمەن قازاقستان» ، «كازاحستانسكايا پراۆدا» ، «انتەننا كازاحستان» باسىلىمدارى، «ۆرەميا» ، «Baq.kz» ، «Kazinform» ، «365 info» ، «Orda.kz» ، «Global.news.kz» ، «Qaz365.kz» پورتالدارى، «Qazcontent» مەدياكومپانياسى، JAS سNER جۋرنالى جانە PRO Production سايتى.
