بالالاردىڭ ءتولقۇجاتى 1-قاڭتاردان باستاپ ەكى ەسە ارزاندايدى
2024 -جىلدىڭ 1-قاڭتارىنان باستاپ قازاقستاندا بالالاردىڭ ءتولقۇجاتى ەكى ەسە ارزاندايدى.
بۇل حالىقتىڭ كوشى- قون سالاسىنداعى زاڭنامانى جەتىلدىرۋگە بايلانىستى قابىلدانعان نورمالار نەگىزىندە وزگەردى.
«قابىلدانعان نورمالار كامەلەتكە تولماعان بالالارعا بەرىلەتىن پاسپورتتار ءۇشىن مەملەكەتتىك باج سالىعىن 8 ا ە ك- تەن 4 ا ە ك- كە دەيىن تومەندەتۋدى، پاسپورتتى بەرۋ ءۇشىن ونىڭ بەتتەرىنىڭ سانىنا قاراي، ياعني مەملەكەتتىك باج ستاۆكالارىن ەنگىزۋدى كوزدەيدى. 16 جاسقا دەيىنگى بالالارعا - 4 ا ە ك، 36 بەتتەن تۇراتىن ءتولقۇجاتتار - 8 اە ك، 48 بەتتىك ءتولقۇجاتتار - 12 ا ە ك بولادى»، دەپ حابارلادى ءى ءى م باسپا ءسوز قىزمەتى.
سونداي- اق قۇجات باستاپقى جوعالعان كۇننەن باستاپ ءبىر جىل ىشىندە جوعالعان قۇجاتتى قالپىنا كەلتىرۋگە ەكى جانە ودان دا كوپ رەت جۇگىنگەن كەزدە جەكە كۋالىكتەردى بەرگەنى ءۇشىن مەملەكەتتىك باج سالىعى 0,2 ا ە ك- تەن 1 ا ە ك- كە دەيىن ۇلعايتىلادى.
بۇرىنعىداي جەكە كۋالىكتەردى ءبىرىنشى رەت العان كەزدە قۇنى 0,2 ا ە ك قۇرايدى. قابىلدانعان نورمالار 2024 -جىلدىڭ 1-قاڭتارىنان باستاپ كۇشىنە ەنەدى.
ەسكە سالايىق، 2020 -جىلدان باستاپ ون التى جاسقا دەيىنگى بالالاردىڭ فوتوسۋرەتتەرىن قازاقستان رەسپۋبليكاسىنان تىس جەرلەرگە شىعۋ كەزىندە اتا- انالارىنىڭ پاسپورتتارىنا جازۋ جانە جاپسىرۋ الىنىپ تاستالدى. وسىعان بايلانىستى بالالارعا شەتەلگە شىعۋ كەزىندە جەكە پاسپورتتى رەسىمدەۋ تالاپ ەتىلەدى.
«جەكە باستى كۋالاندىراتىن قۇجاتتار تۋرالى» زاڭعا سايكەس قازاقستان رەسپۋبليكاسى ازاماتىنىڭ پاسپورتى 10 جىل قولدانىلۋ مەرزىمىنە بەرىلەدى.
بالالارعا ارنالعان ءتولقۇجاتتار حالىقارالىق تاجىريبەنى جانە بالالاردىڭ تەز وزگەرەتىن كەلبەتىن ەسكەرە وتىرىپ، 12 جاسقا دەيىنگى بالالارعا ارنالعان ءتولقۇجاتتىڭ جارامدىلىق مەرزىمى − 5 جىلعا دەيىن. 12 جاستان اسقاندارعا 16 جاسقا دەيىن بەرىلەدى. ودان ءارى ءتولقۇجات پەن جەكە كۋالىكتىڭ جارامدىلىعى ادەتتەگىدەي 10 -جىل بولىپ قالا بەرەدى.
