د د ۇ باسشىسى قازاقستانداعى مەديتسينا قىزمەتكەرلەرىنىڭ جالاقىسىن ارتتىرۋ باستاماسىن قۇپتادى
استانا. KAZINFORM - دۇنيەجۇزىلىك دەنساۋلىق ساقتاۋ ۇيىمىنىڭ (د د ۇ) باس ديرەكتورى تەدروس ادانوم گەبرەيەسۋس قازاقستاندا مەديتسينالىق-سانيتاريالىق العاشقى كومەك (م س ا ك) جۇيەسىندە ەڭبەك ەتەتىن 77 مىڭ مەديتسينا قىزمەتكەرىنىڭ جالاقىسىن ارتتىرۋ تۋرالى شەشىمدى قولدادى.
د د ۇ باسشىسى Facebook پاراقشاسىندا بۇل باستاماعا جوعارى باعا بەردى. ونىڭ ايتۋىنشا، حالىقتىڭ دەنساۋلىعى مەن ءال-اۋقاتىن مەملەكەتتىك ساياساتتىڭ باستى نازارىندا ۇستاۋ، سونداي-اق مەديتسينا قىزمەتكەرلەرىن قولداۋ ماڭىزدى.
تەدروس ادانوم گەبرەيەسۋس مەديتسينالىق-سانيتاريالىق العاشقى كومەككە ينۆەستيتسيا سالۋ ارقىلى قازاقستان ساياسي ەرىك-جىگەر مەن كوشباسشىلىقتىڭ مەديتسينالىق قىزمەتتەردىڭ ساپاسى مەن قولجەتىمدىلىگىن ارتتىرۋعا قالاي ىقپال ەتەتىنىن كورسەتىپ وتىرعانىن اتاپ ءوتتى.
ەسكە سالايىق، بۇعان دەيىن قازاقستاندا كەلەسى جىلعى 1-قاڭتاردان باستاپ مەديتسينالىق-سانيتاريالىق العاشقى كومەك (م س ا ك) ۇيىمدارىنىڭ ۋچاسكەلىك قىزمەتىندەگى 77 مىڭ قىزمەتكەرگە ۇزدىكسىز ەڭبەك ءوتىلى ءۇشىن قوسىمشا اقى تولەۋ جوسپارلانىپ وتىرعانىن حابارلاعانبىز. بۇل تۋرالى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ حالىققا ارناعان «قازاقستاننىڭ جاڭا تاريحي كەزەڭدەگى وزەكتى مىندەتتەرى» اتتى جىل سايىنعى جولداۋىندا مالىمدەدى.
سونداي-اق مەديتسينا قىزمەتكەرلەرىنىڭ جالاقىسى قانشاعا وسەتىنىن تالداپ جازعان ەدىك.
