14:39, 11 - ماۋسىم 2025 | GMT +5
باس پروكۋروردىڭ ورىنباسارى رۋسلان جاقسىلىقوۆتىڭ «ۇستالۋى» تۋرالى پىكىر ءبىلدىردى
استانا. KAZINFORM - باس پروكۋروردىڭ ورىنباسارى اسەت شىنداليەۆ بۇرىنعى قورعانىس ءمينيسترى رۋسلان جاقسىلىقوۆتىڭ قاماۋعا الىنعانى جونىندە تاراعان مالىمەتكە قاتىستى پىكىر ءبىلدىردى.
ءماجىلىستىڭ جالپى وتىرىسى الدىندا جۋرناليستەر اسەت شىنداليەۆتەن وسى وقيعا تۋرالى سۇراعان بولاتىن.
- كەشە جاقسىلىقوۆتىڭ ءوزى پىكىر ءبىلدىردى ەمەس پە؟ بىزدە قانداي دا ءبىر ءىس نەمەسە باسقا دا شارالار جۇرگىزىلگەنى تۋرالى ەشقانداي مالىمەت جوق. ونداي مالىمەتتەر قولىمدا جوق، - دەدى ول.
ەسكە سالساق، 8-ماۋسىمدا مەملەكەت باسشىسىنىڭ جارلىعىمەن قورعانىس ءمينيسترى رۋسلان جاقسىلىقوۆ قىزمەتىنەن كەتكەن بولاتىن.
ال كەشە كەيبىر ب ا ق پەن تەلەگرام-ارنالار ونىڭ قاماۋعا الىنعانى تۋرالى اقپارات تاراتىپ، كەيىن ەكس-مينيستردىڭ ءوزى ونى تەرىسكە شىعارعان.
