12:31, 10 - قىركۇيەك 2024 | GMT +6
باس پروكۋراتۋرادا وليمپيادا چەمپيونى ەلدوس سمەتوۆپەن كەزدەسۋ ءوتتى
استانا. KAZINFORM - باس پروكۋراتۋرادا دزيۋدودان XXXIIII جازعى وليمپيادا ويىندارىنىڭ چەمپيونى، قازاقستان رەسپۋبليكاسىنىڭ ەڭبەك سىڭىرگەن سپورت شەبەرى ەلدوس سمەتوۆپەن كەزدەسۋ ءوتتى.
قۇتتىقتاۋ سوزىندە باس پروكۋرور چەمپيوندى وليمپيادا ويىندارىنداعى جەڭىسىمەن قۇتتىقتاپ، ونىڭ وتاندىق سپورتتى دامىتۋعا جانە سالاماتتى ءومىر سالتىن ناسيحاتتاۋعا قوسقان زور ۇلەسىن اتاپ ءوتتى.
باس پروكۋراتۋرا باسشىلىعى وليمپيادا چەمپيونىنا العىس حات پەن باعالى سىيلىق تابىس ەتتى.
سونداي-اق كەزدەسۋ بارىسىندا ەلدوس سمەتوۆ باس پروكۋراتۋرانىڭ دەنە شىنىقتىرۋ-ساۋىقتىرۋ كەشەنىمەن تانىستى.
ەسكە سالا كەتەيىك، بۇعان دەيىن دۇنيەجۇزىلىك كوشپەندىلەر ويىندارىندا قازاقستان مەدالدار كەستەسىندە كوش باستاعانىن جازعان ەدىك.
