باس پروكۋراتۋرا قوجامجاروۆتىڭ «قورعاس ىسىنە» قاتىسى بارىن راستادى

استانا. KAZINFORM – ق ر باس پروكۋراتۋراسى بۇرىنعى سەناتور، ەكونوميكالىق جانە سىبايلاس جەمقورلىق قىلمىستارىمەن كۇرەس اگەنتتىگىنىڭ ەكس-ءتوراعاسى قايرات قوجامجاروۆتىڭ «قورعاس ىسىنە» قاتىسى بارىن راستادى، دەپ حابارلايدى Kazinform ءتىلشىسى.

ول كەزدە قارجى پوليتسياسى قىلمىستىق ءىس قوزعاپ، قۇقىق قورعاۋ ورگاندارىنىڭ ءبىرقاتار قىزمەتكەرىن، كەدەنشىلەر مەن كاسىپكەرلەردى جاۋاپقا تارتقان بولاتىن.

ەسكە سالا كەتەيىك، الماتى وبلىسىنداعى كەدەن بەكەتتەرىندە اسا ءىرى مولشەردە قارجى ۇرلىعى جايلى قارجى پوليتسياسى 2011-جىلدىڭ سوڭىندا مالىمدەگەن ەدى. ول جەردە 100 دەن استام ادامنان تۇراتىن ۇيىمداسقان قىلمىستىق توپ ارەكەت ەتكەن. بۇل قىلمىستىق توپتىڭ جۇمىسىنا كريمينالدىق قۇرىلىم وكىلدەرىمەن قاتار، قۇقىق قورعاۋ ورگاندارىنىڭ كەيبىر لاۋازىمدى تۇلعالارى دا قاتىسقان.

قىلمىستىق ىسكە قاتىستى 45 ادام جاۋاپقا تارتىلىپ، 600 دەن استام كۋاگەر سۇرالدى.

كەيىن كۇدىكتىلەر 5 جىلدان 17 جىلعا دەيىن باس بوستاندىقتارىنان ايىرىلدى.

بۇعان دەيىن ارعىن نىعماتۋليننىڭ ۇستىنەن قانداي باپ ءبويىنشا ىس قوزعالعانى جايلى جازعان ەدىك.