باس-مي جاراقاتىن العان. سەمەيدە وقۋشىنىڭ جاعدايى حاباردار ەتىلدى

استانا. قازاقپارات - سەمەيدە دارىگەرلەر سوققىعا جىعىلعان 6-سىنىپ وقۋشىسىنىڭ قازىرگى جاعدايىن ايتىپ بەردى، دەپ حابارلايدى Qaz365.kz.

2013 -جىلى تۋعان بالانىڭ جابىق باس-مي جاراقاتى، باسىندا جانە اياقتارىندا كوپتەگەن گەماتومالار(كوگەرۋلەر - رەد.) انىقتالدى. وعان مەديتسينالىق جانە پسيحولوگيالىق كومەك كورسەتىلدى. اباي وبلىسىنىڭ دەنساۋلىق ساقتاۋ باسقارماسىنىڭ مالىمەتىنشە، بالانىڭ جاعدايى سالىستىرمالى تۇردە قاناعاتتانارلىق. ونى تەكسەرىپ، ومىرىنە قاۋىپ جوق ەكەنىن انىقتادى. پاتسيەنت پەدياتر، تراۆماتولوگ جانە نەۆروپاتولوگتىڭ باقىلاۋىندا.

بالانىڭ جاعدايى ونىڭ پسيحوەموتسيونالدىق جاعدايى مەن دياگنوزىنا بايلانىستى سالىستىرمالى تۇردە قاناعاتتانارلىق. بالا قاجەتتى دياگنوستيكالىق تەكسەرۋلەردەن ءوتتى. ساراپتاما قورىتىندىسى بويىنشا ومىرگە قاۋىپ توندىرەتىن سەبەپتەر جوق، - دەپ حابارلادى باسقارما.

ەسكە سالساق، بۇعان دەيىن سەمەيدە 6-سىنىپ وقۋشىسىن سوققىعا جىققان 3 جەتكىنشەكتىڭ اكە-شەشەسى اتا-انالىق قۇقىعىنان ايىرىلعانى حابارلانعان.