بارلىق جۇرگىزۋشىلەرگە كولىكتەرىن گازعا اۋىستىرماۋعا كەڭەس بەرەمىن - ساتقاليەۆ

Yonhap
Фото: Photo: Yonhap

ەنەرگەتيكا ءمينيسترى الماسادام ساتقاليەۆ كولىك جۇرگىزۋشىلەرىن اۆتوموبيلدەرىن گازعا اۋىستىرماۋعا كەڭەس بەردى، دەپ حابارلايدى Kazinform.

«جىلدىڭ باسىندا ىشكى نارىقتا 124 مىڭ توننا كولەمىندە سۇيىتىلعان مۇناي گازىن ءوندىرىپ، جەتكىزۋ جوسپارلانعان ەدى. ال ءىس جۇزىندە قازاندا تۇتىنۋ كولەمى 144 مىڭ تونناعا جەتىپ، جوسپاردان 20 مىڭ تونناعا ارتىپ كەتتى. جەتكىزىلىمدى قامتاماسىز ەتۋ ءۇشىن تەڭىزشيەۆرويل كومپانياسىمەن كۇردەلى كەلىسسوز جۇرگىزۋگە تۋرا كەلدى»، - دەدى مينيستر ب ا ق وكىلدەرىنە ارنالعان باسپا ءسوز ءماسليحاتىندا.

ونىڭ اتاپ وتۋىنشە، سۇيىتىلعان مۇناي گازىنىڭ باعاسى نارىققا ساي كەلمەيدى ءارى شىعىندى.

«قازاقستاندا باعا ەڭ تومەن جانە بۇل جاعداي ۇزاق ساقتالمايدى. بارلىق كولىك جۇرگىزۋشىلەرىنە اۆتوموبيلدەرىن سۇيىتىلعان مۇناي گازىنا اۋىستىرۋعا كەڭەس بەرمەيمىن. ويتكەنى، باعا وسە بەرەتىن بولادى. مينيسترلىك باعانىڭ كۇرت وسۋىنە جول بەرمەيدى. ءبىراق، ەگەر ەكسپورت تاپشىلىعى تۋىنداسا، وندا اۆتوگاز باعاسى ەكسپورتتىق باعاعا سا ي بولادى» ، - دەدى الماسادام ساتقاليەۆ.

سوڭعى جاڭالىقتار