بارلىق ايماقتا ءبىر تيپتىك ءۇي سالىنادى - قانات بوزىمبايەۆ

үй
Фото: Ақтөбе облысы әкімінің баспасөз қызметі

اقتوبە. KAZINFORM - اقتوبە وبلىسىنا جۇمىس ساپارىمەن ق ر پرەمەر-ءمينيسترىنىڭ ورىنباسارى قانات بوزىمبايەۆ كەلدى. سۋ تاسقىنىنان زارداپ شەككەن وتباسىلارمەن كەزدەسىپ، الداعى اتقارىلار جۇمىس جايىن ايتتى.

اقتوبە وبلىسىندا 1400 دەن استام جەر ءۇي مەن باۋ-باقشا ۇجىمدارىنداعى 3 مىڭنان استام ۇيگە سۋ كىردى.

«جالپى ايتقاندا 4600 دەن استام ءۇيدى جوندەۋ نەمەسە سالۋ كەرەك. بۇل جۇمىستى قولعا الۋ ءۇشىن وبلىسقا كەلىپ وتىرمىن. ءبىراز ۇيلەردى قارادىم. سونىمەن بىرگە وسى ساپاردا «ۆەرنىي كاپيتال» ك ت، ERG كومپانيالار توبى مەن BI Group باسشىلارى مەن وكىلدەرى كەلىپ وتىر. ولار نەگىزىندە ۇيلەردى ساتىپ الۋعا نەمەسە سالۋعا، جوندەۋگە ءتيىستى قاراجات ءبولىپ جاتىر. ال بۇزىلعان جول، كوپىر، ەلەكتر تورىبىنا قارجى بيۋدجەت ەسەبىنەن تولەنەدى. قازىر تەحنيكالىق-ەكونوميكالىق نەگىزدەمە، جوبالىق-سمەتالىق قۇجاتتى ساراپتامادان وتكىزىپ، قارجى مينيسترلىگى ارقىلى قارجى بولىنەدى. تەز ارادا ۇيلەردى، پاتەرلەردى ساتىپ الامىز نەمەسە 2-3 ايدا جوندەيمىز، جاڭا جەر ۇيلەر سالامىز. ءۇش دەمەۋشى قۇرىلىس، ساتىپ الۋ، جوندەۋ ءۇشىن 27-30 ميلليارد تەڭگە بولەدى»، - دەدى ق ر پرەمەر-ءمينيسترىنىڭ ورىنباسارى قانات بوزىمبايەۆ.

ۆيتسە-پرەمەردىڭ ايتۋىنشا، ەلىمىز بويىنشا اۋدانى 80 شارشى مەتر بولاتىن ءبىر ءتيپتى ۇيلەر سالىنادى دەپ جوسپارلانعان. الايدا دەمەۋشىلەر كومەگىمەن كوپبالالى، مۇگەدەكتىگى بار ادامدارعا وزگەشە جاعداي جاساۋعا مۇمكىندىك بار. بۇل جۇمىستى جەرگىلىكتى جەردە وبلىس اكىمدەرى ۇيلەستىرە الادى.

«وبلىستا 136 شاقىرىم اۆتوموبيل جولدارى، 15 كوپىر زاقىمداندى. سونىمەن بىرگە 23 الەۋمەتتىك نىسان مەن 84 شاعىن جانە ورتا بيزنەس سۋبەكتىسى زارداپ شەكتى. جەرگىلىكتى بيۋجەتتەن 7,8 ميلليارد تەڭگە ءبولىندى. ۇيلەردى قالپىنا كەلتىرۋگە، تۇرمىستىق تەحنيكا مەن جيھازدىڭ شىعىنىن وتەۋ ءۇشىن 4,1 ميلليارد تەڭگە قاراستىرىلدى. قازىرگى تاڭدا باعالاۋ جانە تەحنيكالىق تەكسەرۋدەن وتكەن ۇيلەرگە 600 ميلليون تەڭگە تولەندى. سونىمەن بىرگە جەدەل كومەك كورسەتۋ اياسىندا 2700 وتباسىنا 100 ا ە ك كولەمىندە 877 ميلليارد تەڭگە ءبىرجولعا تولەم بەرىلدى»، - دەدى اقتوبە وبلىسىنىڭ اكىمى اسحات شاحاروۆ.

سوڭعى جاڭالىقتار