بارلىعى تەك ورىسشا جازىلۋعا ءتيىس: ورىس ءتىلىن قورعاۋ تۋرالى زاڭ قابىلداندى

رەسەي مەملەكەتتىك دۋماسى «قوعامدىق كەڭىستىكتە ورىس ءتىلىن قورعاۋ تۋرالى» زاڭدى ەكىنشى جانە ءۇشىنشى، ياعني سوڭعى وقىلىمدا قابىلدادى. ماقسات - ورىس ءتىلىن مەملەكەتتىك ءتىل رەتىندە قورعاۋ، قوعامدىق كەڭىستىكتە شەتەل سوزدەرىنىڭ قولدانىسىن ازايتۋ جانە قازىرگى ادەبي ءتىل نورمالارىن ساقتاۋ، دەپ حابارلايدى turkystan.kz  سايتى ria.ru-عا سىلتەمە جاساپ.

جاڭا زاڭعا سايكەس:

بارلىق كورنەكى جازۋلار، جول كورسەتكىشتەر، جارنامالىق ماتەريالدار تەك ورىس تىلىندە جازىلۋى ءتيىس. Sale ،shop سياقتى كەڭ تارالعان سوزدەر مەن تىركەلگەن تاۋار بەلگىلەرىنەن باسقا شەتەل سوزدەرىن قولدانۋعا تىيىم سالىنادى.
باسقا تىلدەرگە اۋدارۋعا رۇقسات ەتىلەدى، ءبىراق مازمۇنى بىردەي جانە بەزەندىرىلۋى تەڭ دارەجەدە بولۋى كەرەك.
تۇرعىن ءۇي كەشەندەرى مەن شاعىن اۋداندارعا ەندى شەتەلشە ەستىلەتىن اتاۋلاردى بەرۋگە بولمايدى. بارلىق اتاۋلار تەك كيريلليتسا ارىپتەرىمەن جازىلۋى شارت.
كوممەرتسيالىق نىساندار مەن برەندتەردىڭ اتاۋلارىندا رەسمي تىركەلمەگەن شەت تىلىندەگى سوزدەردى قولدانۋعا تىيىم سالىنادى.
زاڭ سونداي-اق بىرنەشە نەگىزگى نورماتيۆتىك اكتىلەرگە وزگەرىستەر ەنگىزۋدى كوزدەيدى:

«جارناما تۋرالى» زاڭ - جارناما تەك ورىس تىلىندە بەرىلۋگە تيىس؛
«تۇتىنۋشىلاردىڭ قۇقىقتارىن قورعاۋ تۋرالى» زاڭ - تاۋار مەن قىزمەت تۋرالى اقپارات مىندەتتى تۇردە ورىسشا بولۋى قاجەت؛
قالا قۇرىلىسى كودەكسى - قالالىق ورتا نىساندارىنا اتاۋ بەرۋ ءتارتىبى وزگەرەدى؛
سونىمەن قاتار، مەملەكەتتىك ب ا ق-تا اقپاراتتىق باعدارلامالار تەك ورىس تىلىندە، قاجەت بولعان جاعدايدا - ايماقتارداعى حالىق تىلدەرىندە جۇرگىزىلۋى ءتيىس.