باقىتجان بۇقارباي: ءال فارابي - قازاق پەن پورتۋگالدى بىرىكتىرەتىن ورتاق تۇلعا
استانا.قازاقپارات - باقىتجان بۇقارباي قازاقتار ءۇشىن تىڭ جاڭالىق اشىپ، قازاق پەن پورتۋگالدى بىرىكتىرەتىن ورتاق تۇلعانى اتادى.
ول ليسسابونداعى كىتاپ دۇكەندەرىن ارالاپ ءجۇرىپ ءبىر نارسەگە قاتتى تاڭعالعان. پورتۋگاليادا بۋكينيست كىتاپ دۇكەندەرىن «الفارابيستا» دەپ اتايدى ەكەن.
«بۇل ءسوز قۇلاعىما بىردەن تانىس ەستىلدى. سول ساتتە-اق بۇل ءسوزدىڭ قايدان شىققانىن شامالاپ ءتۇسىندىم دە، گۋگلدان تەكسەردىم. ءيا، ءدال سولاي ەكەن. پورتۋگال تىلىندەگى الفارابيستا ءسوزى ءبىزدىڭ ۇلى بابامىز ءال ءفارابيدىڭ ەسىمىمەن تىكەلەي بايلانىستى»، -دەدى باقىتجان بۇقارباي.
ول قىزىق ءۇشىن وسى ءسوزدىڭ قايدان شىققانىن بىلەسىزدەر مە دەپ كىتاپ ساتۋشىلاردان سۇراپ كورگەن. كوبى بىلمەگەن. تەك بىرەۋى عانا دۇرىس جاۋاپ بەرگەن.
«ءبىر قىزىعى، بۇل ءسوز ەسكى كىتاپ ساتاتىن ادامداردىڭ اتاۋىنا قالاي اينالىپ كەتكەن؟ الفارابيو ءسوزى - پورتۋگال تىلىندە «ەسكى كىتاپ، كونە توم» دەگەن ماعىنانى بىلدىرەدى. ويتكەنى كونە كىتاپتاردا ءال فارابيدىڭ اتى ءجيى كەزدەسكەن. كەيىن ونىڭ ەسىمىمەن كۇللى ەسكى كىتاپتاردى اتاي باستاعان»، - دەيدى باقىتجان بۇقارباي.
Kursiv.media
شاديار وستەمىر
