بانگلادەشتەگى نارازىلىق كەزىندە 6 ادام قازا تاپتى

استانا. KAZINFORM - بانگلادەش مەملەكەتتىك قىزمەتكە كۆوتا جۇيەسىنە قارسى نارازىلىق شەرۋىنە شىققان 6 ادام قازا تاپقاننان كەيىن مەكتەپتەر مەن ۋنيۆەرسيتەتتەردى بەلگىلى ءبىر مەرزىمگە جابۋدى بۇيىردى. بۇل تۋرالى Dawn حابارلادى.

سەيسەنبى كۇنى جاعداي شيەلەنىسىپ، نارازىلىق بىلدىرۋشىلەر مەن ۇكىمەتتى جاقتايتىن ستۋدەنتتەر ءبىر-بىرىنە كىرپىش جانە بامبۋك تاياقتارىمەن شابۋىل جاسادى. ال، پوليتسيا ميتينگكە شىققاندارعا كوزدەن جاس اعىزاتىن گاز جانە رەزەڭكە وق قولداندى.

دەمونسترانتتار پرەمەر-مينيستر شەيح حاسينا مەن جوعارعى سوتتىڭ ساباققا قايتا ورالۋ تۋرالى ۇندەۋلەرىن ەلەمەدى.

اۋرۋحانا ديرەكتورى موحامماد تاسليمۋددين چيتتاگونگتا 3 ادام قايتىس بولعانىن جانە ولاردان وق جاراقاتىنىڭ بەلگىلەرى تابىلعانىن، پورت قالاسىنداعى قاقتىعىستار كەزىندە تاعى 35 ادام جارالانعانىن ايتتى.

داككادا تاعى 2 ادام قازا تاپتى. وندا ستۋدەنتتىك توپتار ءبىر-بىرىنە كىرپىش لاقتىرىپ، بىرنەشە كوشەنىڭ جولىن جاۋىپ تاستاپ، 20 ميلليون ادام تۇراتىن مەگاپوليستەگى كولىك قوزعالىسىنا كەدەرگى كەلتىردى.

وسى ايدا نارازىلىق بىلدىرۋشىلەر بەلگىلى ءبىر توپتار ءۇشىن مەملەكەتتىك جۇمىس ورىندارىنىڭ جارتىسىنان كوبىن ساقتايتىن كۆوتا جۇيەسىن توقتاتۋدى تالاپ ەتتى.

اۆتور
ەركەجان سماعۇلوۆا