بانكروت دەپ تانىلعان جەكە تۇلعالاردىڭ جالپى قارىزى 16,7 ميلليارد تەڭگەدەن اسادى

استانا. KAZINFORM - مەملەكەتتىك كىرىستەر كوميتەتى 16,7 ميلليارد تەڭگەدەن استام قارىزى بار قازاقستاندىقتاردىڭ «بانكروت» دەپ تانىلعانى مالىمدەلدى.

مەملەكەتتىك كىرىستەر كوميتەتىنىڭ دەرەگىنە سۇيەنسەك، بۇگىندە 8986 ازامات «بانكروت» دەپ تانىلدى. ولاردىڭ جالپى قارىزى - 16,7 ميلليارد تەڭگەدەن استام.

«ازاماتتار ءوزىن بانكروت دەپ تانۋعا ءوتىنىشتى E-gov ،E-gov Mobile جانە E- Salyq Azamat قوسىمشاسى ارقىلى جىبەرە الادى. تۇسكەن وتىنىشتەر 22 دەن استام مەملەكەتتىك ورگاندار جانە ۇيىمداردىڭ بازالارى ارقىلى جانە 11 ەكىنشى دەڭگەيدەگى بانكتەرمەن ينتەگراتسيالاۋ جولىمەن وڭدەلىپ، تەكسەرىلەدى»، - دەدى قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ ورىنباسارى قايرات مياتوۆ و ك ق- دە وتكەن بريفينگىدە.

ەسكە سالا كەتەيىك، 2023-جىلى 3- ناۋرىزدا ەلىمىزدە بانكروتتىققا ءوتىنىم قابىلداۋ باستالدى.

اتالعان پروتسەسس تۋرالى تولىعىراق وسى سىلتەمەدە تانىسۋعا بولادى.

ايتا كەتسەك، تاياۋدا نەبارى 2978 تەڭگە قارىزى بار قازاقستاندىقتىڭ بانكروت دەپ جاريالانعانى تۋرالى حابارلاعان ەدىك. كەيىن ول جاعدايعا تۇسىنىك بەرىلدى.