بالايەۆا پورنوگرافيا تاراتاتىن سايتتار جايىندا: ءبىرىن بۇعاتتاساڭ، سول ساتتە ەكىنشىسى اشىلىپ جاتادى
استانا. KAZINFORM - جىل باسىنان بەرى ەلىمىزدە پورنوگرافيالىق ماتەريالدار تاراتاتىن 1024 ينتەرنەت-رەسۋرس بۇعاتتالدى. بۇل تۋرالى مادەنيەت جانە اقپارات ءمينيسترى ايدا بالايەۆا ايتتى.
- ستاتيستيكالىق مالىمەتتەرگە جۇگىنەر بولساق، 2019 -جىلى پورنوگرافيالىق ماتەريالدار تاراتىپ، ينتيمدىك قىزمەتتەردى جارنامالايتىن 8 ينتەرنەت- رەسۋرس بۇعاتتالعان ەدى. 2021 -جىلى مۇنداي 624 ينتەرنەت-رەسۋرس اشكەرە بولدى. ال جىل باسىنان 1024 ءى انىقتالدى. ياعني، اۋقىمى كەڭەيىپ كەلەدى. وزدەرىڭىز دە تۇسىنەسىزدەر، ءبىز بۇعاتتاعان ساتتەن-اق كەلەسى اشىلىپ جاتادى.
سوندىقتان ءبىز جۇمىسىمىزدى جەتىلدىرۋ باعىتىندا جۇمىس ىستەۋىمىز قاجەت، - دەدى ول اقوردادا ب ا ق وكىلدەرىنە بەرگەن سۇحباتىندا.
سونىمەن قاتار مينيستر Ulysmedia باس رەداكتورى سامال يبرايەۆاعا قاتىستى كيبەرشابۋىلعا پىكىر ءبىلدىردى.
- كىنالىلەردى تەك قۇقىق قورعاۋ ورگاندارى عانا انىقتايدى. كەزە ءمينيستردىڭ (ىشكى ىستەر ءمينيسترى ەرجان سادەنوۆ) پىكىرىن ەستىدىم. ءىس قوزعالعان سياقتى. كىنالىلەردى ىزدەپ جاتىر، - دەدى ايدا بالايەۆا.
