بالاسىنا جاقسى تاربيە بەرگەن ەر مەن ايەلدىڭ وتباسىنا بەرەكە ورنايدى - باس ءمۇفتي

تالدىقورعان. KAZINFORM - بۇگىن باس ءمۇفتي ناۋرىزباي قاجى تاعان ۇلى تالدىقورعان قالاسىندا وتكەن «يسلام جانە وتباسى قۇندىلىعى» رەسپۋبليكالىق كونفەرەنتسياسىندا وسىلاي دەدى.

«ارداقتى پايعامبارىمىز (وعان اللانىڭ سالاۋاتى مەن سالەمى بولسىن) ەر- ازاماتتارعا قاراتا: «سەندەردىڭ ەڭ جاقسىلارىڭ - ايەلىمەن جاقسى قارىم- قاتىناستا بولعاندارىڭ» دەگەن. ال، «قانداي ايەل ەڭ جاقسى؟» دەپ سۇراعاندا، پايعامبارىمىز: «كۇيەۋى وعان قاراعاندا، ونى قۋانتاتىن، ول وعان ءبىر نارسە بۇيىرعاندا، مويىنسۇناتىن، وزىنە جانە ءوزىنىڭ مال- مۇلكىنە قاتىستى ءبىر نارسە ۇناماي تۇرسا دا كۇيەۋىنە قارسى كەلمەيتىن ايەل» دەپ جاۋاپ بەرگەن.

ءوزى جاقسى بولعان جانە بالاسىنا جاقسى تاربيە بەرگەن ەر مەن ايەلدىڭ وتباسىنا بەرەكە ورنايدى. مۇنىڭ ەڭ العاشقى شارتى - ەرلى- زايىپتىلاردىڭ ءبىرىن-ءبىرى سىيلاۋى، ءوزارا كەشىرىمدى، مەيىرىمدى بولۋىنان ءارى سىيلاستىقتان باستالادى» دەدى ق م د ب ءتوراعاسى.

ايتا كەتەيىك، كونفەرەنسيا قاتىسقان زيالى قاۋىم وكىلدەرى وتباسى قۇندىلىعىنا قاتىستى وي- پىكىرلەرىن ورتاعا سالىپ، ۇسىنىستارىن جەتكىزدى.